ޓީވީ ސީރިއަލް "ބަޅޭ އައްޗޭ ލަގްތީހޭ" އިން ބެލުންތެރިންގެ މަގްބޫލުކަން ހޯދާފައިވާ ސާކްޝީ ތަންވާރު އަންހެން ކުއްޖަކު އެޑޮޕްޓް ކޮށްފިއެވެ.
ނުވަ މަހުގެ އެ ތުއްތު ކުއްޖާ އަށް އޭނާ ދީފައިވާ ނަމަކީ "ދިތްޔާ" އެވެ.
މި އުފާވެރި ޚަބަރު ހިއްސާ ކުރަމުން ސާކްޝީ ބުނެފައި ވަނީ އާއިލާ އާއި ރައްޓެހިންގެ ހެޔޮ ދުޢާ އާއި އެކު 9 މަހުގެ އަންހެން ކުއްޖަކު އޭނާ އެޑޮޕްޓް ކޮށްފައިވާ ކަމަށެވެ.
އަދި މިއީ އޭނާ އަށާއި މުޅި އާއިލާއަށް ލިބިގެންދިޔަ އެންމެ އުފާވެރި ވަގުތު ކަން ވަނީ ފާހަގަ ކޮށްފައެވެ.
އަހަރެންގެ ދުޢާ އިޖާބަ ކުރައްވައިފި. އަހަރެންނަށް އިހުސާސް ކުރެވެނީ އެއީ އަހަރެންގެ ހަޔާތަށް ލިބުނު ރަހުމަތެއްގެ ގޮތުގައި " ސާކްޝީ ވަނީ ބުނެފައެވެ.
ސާކްޝީއަކީ އިންޑިއަން ޓެލެވިޒަން ގައި އެންމެ ގިނަ މީހުންގެ ލޯބި ހޯދާފައިވާ އެއް ތަރިއެވެ.
އޭނާ ކުޅެފައިވާ "ކަހާނީ ގަރްގަރްކީ"، "ބަޅޭ އައްޗޭ ލަގްތީހޭ" އަދި "ދޭވީ" އަކީ ފާހަގަ ކޮށްލެވޭ ޑްރާމާ ތަކެކެވެ.
ޑްރާމާ ސީރީޒް ގެ އިތުރުން ވެސް ބައެއް ބޮލީވުޑް ފިލްމް ތަކުގައި ވެސް ޝާކްޝީ ވަނީ މުހިއްމު ރޯލް އަދާކޮށްފައެވެ. އެގޮތުން އެނާ ވަނީ ފިލްމް "ޑަންގަލް" ގައި އާމިރު ޚާންގެ އަންހެނުންގެ ރޯލް އަދާކޮށްފައެވެ. ސަނީ ޑިއޯލް އާއި އެކު ކުޅެފައިވާ ފިލްމް "މޮހައްލާ އައްސީ" އަދި ވަނީ ރިލީޒް ނުކޮށެވެ.
