އިންޑޮނީޝިއާގައި ބިންގަނޑު ކަނޑައިގެން ދިއުމުގެ ހާދިސާއެއްގައި ކިޔަވާ ކުދިންތަކެއް މަރުވެއްޖެ

އިންޑޮނީޝިއާގެ ސުމާޓްރާގައި ފެން ބޮޑުބޮޑުވެ ހިނގި ބިންގަނޑު ކަނޑައިގެންދިއުުމުގެ ހާދިސާތަކުގައި ގިނަ އަދަދެއްގެ ކުޑަކުދިން ހިމެނޭ ގޮތުން 27 މީހުން މަރުވެއްޖެކަމަށް އޮފިޝަލުން ބުނެފިއެވެ.

މެންޑައިލިންގ ނަޓަލް ޑިސްޓްރިކްޓުގެ ފުލުހުންގެ ވެރިޔާ އިރްސާން ސިނުހަޖީ ހޮނިހިރު ދުވަހު ވިދާޅުވީ ހުކުރު ދުވަހު ހިނގި އެ ހާދިސާގައި އެންމެ ގިނަ ކުދިން މަރުވެފައިވަނީ މުއަރަ ސަލަޑީ އަވަށުގެ އިސްލާމިކް ސްކޫލުން ކަމަށެވެ.

މީހުން ސަލާމަތްކުރުމުގެ މަަސައްކަތްކުރި ފަރާތްތަކާއި އަވަށުގެ ރައްޔިތުންވަނީ އެތައް ޓީޗަރުންނެއް ސަލާމަތްކޮށްފައިކަމަށް ނޭޝަނަލް ޑިޒާސްޓަރ މިޓިގޭޝަން އޭޖެންސީގެ ތަރުޖަމާނު ސުޓޯޕޯ ޕުރްވޯ ނުގްރޮހޯ ވިދާޅުވިއެވެ. އޭނާ ވިދާޅުވީ ކިސަޑާއި ކުނިބުނީގެ ތެރެއިން 11 ކުއްޖެއްގެ ހަށިގަނޑު ހާދިސާ ހިނގިތާ ގަޑިއިރުތަކެއްގެ ތެރޭނަގާފައިވާކަމަށާއި ހޮނިހިރު ދުވަހު އެއްކުއްޖަކު ނަގާފައިވާކަމަށެވެ.

އެސޯސިއޭޓެޑް ޕްރެސްއަށް ލިބިފައިވާ ވީޑިއޯއެއްގައި ފެންނަގޮތުގައި ކްލިނިކެއްގައި މަރުވި ކުދިންގެ ހަށިތަކުގައި ރަޖާ އަޅާފައިހުރިއިރު އެކުދިންގެ އާއިލާއާއި ގާތް މީހުން ގާތުގައި ތިއްބެވެ.

ނުގްރޮހޯ ވިދާޅުވީ ދެ ކުއްޖެއްގެ ހަށިގަނޑު ހޮނިހިރު ދުވަހު މެންޑައިލިންގ ނަޓަލް ފެނިފައިވަނީ ފެންގަޑާއެކު އޮޔާ ގެންގޮސްފައިވާ ކާރަކުން ކަމަށެވެ.މެންޑައިލިންގ ނަޓަލްއިންވަނީ 17ގެ ހަލާކުވެ 12 ގެއެއް އޮޔާ ގެންގޮސްފައެވެ.

އެތައް ސަތޭކަ ގެއެއްގައި ދެ މީޓަރު އުސްމިނަށް ފެންބޮޑުވިއިރު އެ ސަރަހައްދުގެ އަށް ސަރަހައްދެއްގައި ބިންގަޑުކަނޑައިގެން ގޮސްފައިވެއެވެ.

ސިބޮލްގާ ޑިސްޓްރިކްޓްގައިވެސްވަނީ ފެންބޮޑުވެ ހަތަރު މީީހުން މަރުވެ ބިންގަޑު ކަޑައިގެން ދިއުމުގެ އަސަރު 29 ގެއަކަށް އަދި 100 ވަރަކަށް އިމާރާތުގައި ފެންބޮޑުވިއެވެ.