ބުދަ ދުވަހު އިލެކްޝަންސް ކޮމިޝަނުން ނިންމި ނިންމުން އެއީ ރަނގަޅު ނިންމުމެއް ކަމަށް ކުރީގެ އުއްތަމަ ފަނޑިޔާރު އަހުމަދު ފާއިޒް ހުސައިން ވިދާޅުވެއްޖެއެވެ.
އިލެކްޝަންސް ކޮމިޝަނުން 12 މެމްބަރުންގެ ގޮނޑި ނުގެއްލޭކަމަށް ނިންމި ނިންމުން ސުޕްރީމް ކޯޓުން ވަނީ ބުދަ ދުވަހުގެރޭ ބާތިލް ކޮށްފައެވެ.
ފާއިޒް ވަނީ އީސީގެ ނިންމުން ރަނގަޅުކަމަށް ބާރުއަޅާ ތިންކަމެއް ފާހަގަ ކުރައްވާފައެވެ.
1. ގާނޫނު އަސާސީގެ 74 ވަނަ މާއްދާގެ ދަށުން ނޫން ގޮތަކަށް މެމްބަރެއްގެ ގޮނޑި އާ މެދެ ނިންމާ ކޮންމެ ނިންމުމަކީ އެ ގަޒިއްޔާ އިން ހައްލު ބޭނުންވާނެ ނުވަތަ އިދާރީ ނޭޗާ ނިންމުމެއްކަން މެމްބަރެއްގެ ގޮނޑި ގެއްލިއްޖެކަން ކަނޑަ އެޅުމުގެ ކޮންކްލޫސިވް ބާރު އޮތީ ހަމަ އެކަނި ސުޕްރީމްކޯޓަށް،
2. ސުޕްރީމް ކޯޓުން މީގެ ކުރިން މެމްބަރުންގެ ގޮނޑިއާއި ގުޅިގެން ބަލާފައިވާ މައްސަލަ ތަކުގައި ވަގުތީ އަމުރުގެ ދަށުން ކަމާ ބެހޭ މުއައްސަސާތަކަށް އަންގާފައިވާނީ ސުޕްރީމް ކޯޓުން ވަކި ގޮތެއް ކަނޑައަޅަންދެން މެމްބަރުން ނޫން ކަމުގައި ނުބެލުމަށް
3.މިހާރު ބަލަމުންދާ މައްސަލަތަކާއި ގުޅިގެން އެކޯޓުން ވަކި އެއްޗެެއް ބުނެފައި ނެތްކަމުގައި ވިއަސް ގާނޫނު އަސާސީގެ 74 ވަނަ މާއްދާގެ ދަށުން ގޮތެއް ނިމެންދެން އެ މާއްދާގެ "ހިޔާ"އެ މެމްބަރުންނަށް ލިބޭނެ.
ސުޕްރީމް ކޯޓުން ބުދަދުވަހުގެ ރޭ އަމުރު ނެރުމާއެކު އިލެކްޝަން ކޮމިޝަނުން ނެރުނު ނޫސްބަޔާނުގައި ބުނެފައިވަނީ 3 އޮކްޓޯބަރ 2018 ވަނަ ދުވަހު އިލެކްޝަންސް ކޮމިޝަނުން ބޭއްވި އެ ކޮމިޝަނުގެ 442 ވަނަ ޖަލްސާގައި، މަޖިލީހުގެ 12 މެމްބަަރަކާމެދު ނިންމާފައިވާ ނިންމުންތަކަކީ ބާޠިލް ނިންމުންތަކެއް ކަމަށް ސުޕްރީމް ކޯޓުގެ އަމުރުގައި ކަނޑައަޅާފާތީ އެކޯޓުގެ އަމުރަށް ފުރިހަމައަށް ބޯލަނބާނެ ކަމަށެވެ. އަދި އެއަމުރާއި އެއްގޮތަށް އަމަލު ކުރުމަށް ހުރިހާ ސިޔާސީ ޕާޓީތަކަށް އެކޮމިޝަނުން ވަނީ އިލްތިމާސްކޮށްފައެވެ.
