ޖެނެރަލް ޝިޔާމްގެ ސާބަސް ސިފައިންނަށް!
ސިފައިންގެ ޚިދުމަތް ފާހަގަ ކުރެއްވި
ސިފައިންގެ ރަސްމިއްޔާތެއްގައި ޝިޔާމް ޑިފެންސް މިނިސްޓަރުގެ އަރިހުގައި
ރިޔާސީ އިންތިޚާބުގެ ކަންކަން ކުރިއަށްދިޔައިރު ސިފައިން ވެފައިވާ ތައްޔާރީތަކަށް ޗީފް އޮފް ޑިފެންސް ފޯސް މޭޖަރ ޖެނެރަލް އަހުމަދު ޝިޔާމް ތައުރީފް ކުރައްވައިފިއެވެ.
އެމްއެންޑީއެފް އިން އާންމުކޮށްފައިވާ ކުރު ބަޔާނެއްގައި ޝިޔާމް ވިދާޅުވެފައި ވަނީ ރިޔާސީ އިންތިޚާބު ގުޅިފައިވާ ޕާޓީތަކުގެ ކެންޑިޑޭޓް އިބްރާހީމް މުޙައްމަދު ސޯލިހް ކާމިޔާބު ކުރައްވާފައިވާ ކަމަށެވެ.
ޝިޔާމް ވިދާޅުވެފައި ވަނީ ރިޔާސީ އިންތިޚާބަކީ ސުލްޙަވެރި އަމާން އިންތިޚާބަކަށް ހެދުމަށްޓަކައި ދިވެހި ސިފައިން ވެފައިވާ ތައްޔާރީތައް ފާހަގަކުރައްވާ ކަމަށެވެ.
އިންތިޚާބު ކުރިއަށްދިޔައިރު، ރައްޔިތުންގެ ސަލާމަތާއި، ރައްކާތެރި ކަމަށްޓަކައި ސާބިތުވެ ތިބި ފުރިހަމަ ކަމަށްޓަކައި އެންމެހާ ސިފައިންނަށް އައްސަރިބަހާއި ސާބަސް ރައްދު ކުރައްވާ ކަމަށް ޝިޔާމް ވިދާޅުވެފައިވެއެވެ.
"ކުރިމަގުގައި ވެސް ދިވެހި ގައުމާއި ރައްޔިތުން ހިމާޔަތްކުރުމުގައި ސާބިތުވެ ތިބުމަށް މިފުރުސަތުގައި ނަސޭހަތްތެރިވަން" ސިޔާމްގެ ބަޔާން ނިންމަވާލައްވަމުން ވިދާޅުވެފައި ވެއެވެ.
