ސާފް ސުޒުކީ ކަޕް: 10 އަހަރަށްފަހު އަލުން އެނބުރި ތަށި ރާއްޖޭގެ ފަސްގަނޑަށް
15 ސެޕްޓެމްބަރު 2018 | ހޮނިހިރު 15:15ރާއްޖެއިން ވަނީ 2-0 އިން އިންޑިއާ ބަލިކޮށްފައި
ރާއްޖޭގެ ކުޅުންތެރިން އުފާފާޅުކުރަނީ
ސާފް ސުޒުކީ ނުވަތަ ސާފް ޗެމްޕިއަންޝިޕްގެ ޗެމްޕިއަންކަން އިންޑިއާ ބަލިކޮށް ރާއްޖެއިން ހޯދައިފިއެވެ.
ބަންގްލަދޭޝްގެ ޑާކާގައި ހުންނަ ބަންގުބަންދު ސްޓޭޑިއަމްގައި ކުޅުނު ފައިނަލްގައި ރާއްޖެއިން ވަނީ 2-1 އިން އިންޑިއާ ބަލިކޮށްފައެވެ. މެޗުގެ ފުރަތަމަ ލަނޑު މެޗުގެ 19 ވަނަ މިނެޓުގައި ރާއްޖެއަށް ޖަހައިދިނީ އިބްރާހިމް މަހުދީ ހުސައިން (ފޭދޫ އިއްބެ) އެވެ. ރާއްޖޭގެ ދެވަނަ ލަނޑު މެޗުގެ 66 ވަނަ މިނެޓުގައި ރާއްޖެއަށް ޖަހައިދިނީ އަލީ ފާސިރު (ސެންޓޭ) އެވެ. އިންޑިއާއިން މެޗުގައި ޖެހި ހަމައެކަނި ލަނޑު މެޗުގެ އިތުރު ވަގުތުގެ ތެރޭގައި އެޓީމަށް ޖަހައިދިނީ ސުމީތު ޕަސީއެވެ.
މިއީ ރާއްޖެއިން ސަރަހައްދީ ފުޓްބޯޅައިގައި ތަށި ނެގި ދެވަނަ ފަހަރެވެ. ރާއްޖެ އެންމެފަހުން ޗެމްޕިއަންކަން ހޯދީ 2008 ވަނަ އަހަރުގެ މުބާރާތުގެ ފައިނަލުގައި 1-0 އިން އިންޑިއާ ބަލިކޮށްގެންނެވެ.
