ތޫފާން މަންޚޫތު ޕިލިޕީންސްގެ ދެކުނު ސަރަހައްދަށް

ތޫފާން މަންޚޫތު ފިލިޕީންސްގެ ދެކުނުގެ ސަރަހައްދުތަކަށް އަރައިފިއެވެ. މި އަހަރު މިހާތަނަށް ފިލިންޕިންސް އަށް އަރާފައިވާ އެންމެ ބާރުގަދަ ތޫފާންގެ އެގައުމުގެ ދެކުނުގެ ސަރަހައްދުތަކުގެ ލުޒޯން އަށް އަރާފައިވާއިރު، މި ތޫފާނުގައި ދަނީ ގަދަ ވަޔާ އެކު ބޯކޮށް ވާރޭ ވެހެމުންނެވެ. މި ކަމުގައި ހަރަކާތްތެރިވާ އޮފިޝަލުން ރިޕޯރޓްކޮށްފައިވާ ގޮތުގައި ބޯކޮށް ވާރޭ ވެހެމުންދިއުމުގެ ސަބަބުން ލުޒޯން ސަރަހައްދުގެ ކަރަންޓް ކެޑިފައިވާއިރު، އިމާރާތްތަކުގެ ކުޑަދޮރުތަށް ތަޅައިގެން ގޮސްފައިވާ ކަމަށެވެ.

އޮފިޝަލުން ރިޕޯރޓްކޮށްފައިވާ ގޮތުގައި މި ތޫފާންގައި ގަޑިއަކު 125 މޭލު ބާރު މިނުގައި ވައިޖެހުމުންދާތީ،ލުޒޯން ސަރަހައްދުގައި ދިރިއުޅޭ ހަތަރު މިލިޔަނަށް ވުރެ ގިނަ މީހުން ރައްކާތެރި ހިސާބުތަކަށްވަނީ ބަދަލުކުރެވިފައެވެ. ހާލުގައި ޖެހުނު 1000 މީހުން ރައްކާތެރި ހިސާބުތަކަށް ބަދަލުކުރެވިފައިވާއިރު ތުފާންގައި ބޮޑެތި ގެއްލުންތަށް އެ ސަރަހައްދަށް ކޮށްފައިވާ ކަމަށް އޮފިޝަލުން އެކަމުގައި ހަރަކާތްތެރިވާ އޮފިޝަލުން މައުލޫމާތުދެއެވެ.

ދެކުނުގެ ސަރަހައްދުތަށް ކަމަށްވާ އިސަބެއްލާ، އަޕަޔާއޯ،ކަގަޔަން، އަދި އަބްރާ ޕޮރޮވިންސަށް ދެވަނަ ދަރަޖައިގެ ހަތަރުވަނަ ސިގްނަލްގެ އެންމެ މަތީ އެލާރޓް މިހާރު ނެރެފައިވާ ކަމަށް އޮފިޝަލުން މައުލޫމާތު ދެއެވެ. މިހާތަނަށް ފިލިޕީންސް އަށް އެރި އެންމެ ވަރުގަދަ ތޫފާން އަރާފައި ވަނީ 2013 ވަނަ އަހަރުއެވެ. ސުޕަރ ޓައިކޫން ހައިޔާގެ ނަމުން ނަންދީފައިވާ އެ ތޫފާންގައި 7000 މީހުން މަރުވެފައިވާއިރު، މިލަޔަނަކަށް ވުރެ ގިނަ މީހުންނަށް ވަނީ އަސަރުކޮށްފައެވެ.