އިންޓްނޭޝަނަލް ޕޮޕްސްޓާރ ބްރަޔަން އެޑަމްސް އިންޑިއާގައި ބޭއްވުމަށް ހަމަޖެހިފައިވާ ލައިވް ކޮންސެޓްގައި އެކްޓަރ އަދި ސިންގަރ ޕްރިޔަންކާ ޗޯޕްރާ އާއި އިންޑިއާގެ މަޝްހޫރު  މިއުޒިކް ކޮމްޕޯސަރ އަދި ސިންގަރ އޭ އާރު ރަހުމާން ޕާރޕޯމް ކުރުމަށް ހަމަޖެހިފައިވާ ކަމަށް ޚަބަރުތައް ބުނެފިއެވެ.

ކެނޭޑިއަން ލަވަކިއުންތެރިޔާ އެޑަމްސް އިންޑިއާގައި ޝޯތައް ދިނުމަށް ހަމަޖެހިފައިވަނީ އަންނަ އޮކްޓޯބަރު މަހު އެވެ.

މި ޓުއަރ ގައި އިންޑިއާގެ ފަސް ސިޓީ އެއްގައި ޝޯދިނުމަށް ހަމަޖެހިފައިވާއިރު ފުރަތަމަ ޝޯ ދިނުމަށް ހަމަޖެހިފައިވަނީ  9 އޮކްޓޯބަރުގައި އަހުމަދުއާބާދުގައެވެ.  11 އޮކްޓޯބަރުގައި ހައިދަރު އާބާދުގައި، 12 އޮކްޓޯބަރުގައި މުމްބާއި، 13 އޮކްޓޯބަރުގައި ބެންގަލޫރު އަދި އެންމެ ފަހު ޝޯ ދިނުމަށް ހަމަޖެހިފައިވަނީ 14 އޮކްޓޯބަރުގައި ދިއްލީގައެވެ.

އެޑަމްސް އާއި އެކު މީގެ ކުރިން ޕްރިޔަންކާ ވަނީ މަސައްކަތް ކޮށްފައެވެ. ނަމަވެސް އޭ އާރު ރަހުމާނު އޭނާ އާއި އެކު ފާރފޯމް ކުރާ މީ ފުރަތަމަ ފަހަރެވެ. އޭ އާރު ރަހުމާން އަކީ އެޑަމްސްގެ ފޭވަރިޓް އިންޑިއަން މިއުޒީޝަން ކަމަށް އޭނާ ކުރިން ވަނީ ބުނެފައެވެ.

އެޑަމްސް ވަނީ މީގެ ކުރިން ހަތަރު ފަހަރެއްގެ މަތިން އިންޑިއާ އަށް ގޮސްފައެވެ. މުޅި ދުނިޔޭގެ ހުރިހާ ގައުމެއްގެ ތެރެއިންވެސް އިޑިއާއަކީ އޭނާގެ ފޭވަރިޓް އެއް ގައުމު ކަމަށާއި

އަނެއްކާވެސް އެ ރީތި ގައުމުގައި ޕާރފޯމް ކުރަން ފުރުސަތު ލިބުމުން ވަރަށް އުފާވާކަމަށް އެޑަމްސް ވަނީ ބުނެފައެވެ.