ނަސްރު ލިބޭނީ ހައްގަށް، ހާލަތު ބަދަލުކުރަން ވޯޓުދެއްވާ: ފައިސަލް
31 އޯގަސްޓު 2018 | ހުކުރު 06:10އިންތިހާބު ކާމިޔާބުކުރާނީ 80 ޕަސެެންޓަށް ވުރެ ބޮޑު ތާއީދަކާ އެކު
ދޮންފަނުން ފައިސަލްއަށް ވަނީ ހޫނު މަރުޙަބާއެއް ދަންވާފައި
އަބަދުވެސް ނަސްރު ލިބިގެންދާނީ ހައްގަށް ކަމަށާއި މި ވޯޓަކީ ހާލަތު ބަދަލުކުރުމަށް ދެވޭ ވޯޓެއް ކަމަށް ގުޅިފައިވާ ސިޔާސީ ޕާޓީތަކުގެ ފަރާތުން މި އިންތިހާބުގައި ވާދަކުރައްވާ އެމްޑީޕީގެ ކެންޑިޑޭޓް އިބްރާހިމް މުހައްމަދު ސޯލިހުގެ ރަނިންގ މޭޓް ފައިސަލް ނަސީމް ވިދާޅުވެއްޖެއެވެ.
ބ. އަތޮޅު ދޮންފަނުގެ ރައްޔިތުންނާ ބައްދަލުކުރައްވައި ވާހަކަފުޅު ދައްކަވަމުން ފައިސަލް ވިދާޅުވީ ގުޅިފައިވާ ސިޔާސީ ޕާޓީތަކުން މި އިންތިހާބު ކާމިޔާބު ކުރާނީ 80 ޕަސެންޓަށް ވުރެ ބޮޑު ތާއިދަކާ އެކުގައި ކަމަށެވެ. ރައީސް ޔާމީންގެ ސަރުކާރުން އަތޮޅުތެރޭގެ ރަށްތަކުގެ ތަރައްގީއަށް އިހުމާލު ވެފައިވާކަން ފާހަގަކުރައްވާ ފައިސަލް ވިދާޅުވީ ރައްޔިތުންގެ މަޖިލީހުގެ ތެރެއިން މެމްބަރު އަލީ ހުސެއިން މި ދާއިރާގެ ތަރައްގީއަށް ކުރައްވާ މަސައްކަތް ވަރަށް ކައިރިން ފެންނިވަޑައިގަންނަވާ ކަމަށެވެ. އެހެން މަވެސް މިއަދު މި ފެންނަނީ ސަރުކާރު ޖަވާބުދާރީ ކުރުމަށް އަޑުއުފާ ނަމަ އެ ދާއިރާގެ ތަރައްގީއަށް ރައީސް ޔާމީންގެ ސަރުކާރުން އެންމެ އެކަށީގެންވާ ގޮތަށް މަޝްރޫއުތައް ކުރިއަށް ނުގެންދާ މަންޒަރު ކަމަށް ފައިސަލް ވިދާޅުވުއެވެ.
ގުޅިފައިވާ ސިޔާސީ ޕާޓީތަކުގެ ވެރިކަމުގައި ރަށުގެ ތަރައްގީއަށް މަޝްރޫއުތައް ކުރިއަށް ގެންދާއިރު، އެ ރަށެއް ނިސްބަތްވާ ދާއިރާގައި ހުރީ ކޮން ޕާޓީއަކަށް ނިސްބަތްވާ މެމްބަރެއްތޯ ނުބައްލަވާނެ ކަމަށް ފައިސަލް ވިދާޅުވިއެވެ. ގުޅިފައިވާ ސިޔާސީ ޕާޓީތަކުން ތަރައްގީގެ މަޝްރޫއުތައް ކުރިއަށް ގެންދިއުމަށް ވަކި ރަށެއް ތަފާތު ނުކުރައްވާނެ ކަމަށާއި، ގުޅިފައިވާ ސިޔާސީ ޕާޓީތަކުން ކުރިއަށް ގެންދާނީ ގައުމީ މަސައްކަތެއް ކަމަށް ފައިސަލް ވިދާޅުވިއެވެ.
ދޮންފަނުން ފައިސަލް އަށް ވަނީ ހޫނު މަރުހަބާއެއް ދަންނަވާފައި
މީގެ އިތުރުން ފައިސަލް ވިދާޅުވީ ގުޅިފައިވާ ސިޔާސީ ޕާޓީތަކުގެ ވެރިކަމުގައި ދޮންފަނުގެ ނަރުދަމާގެ މައްސަލަ ހައްލުކޮށްދޭނެ ކަމަށެވެ. އަދި އެރަށުގެ ބަނދަރުގެ މައްސަލައަކީ ވެސް ރައްޔިތުންގެ ކަންބޮޑުވުމެއް ކަމަށް ފައިސަލް ފާހަގަކުރެއްވިއެވެ.
ފައިސަލް ދޮންފަނަން ވަޑައިގަތުމުން އެރަށުގެ ރައްޔިތުން ވަނީ ހޫނު މަރުޙަބާއެއް ދަންނަވާފައެވެ. ހިތްޗަށް ވަޑައިގަތުމުންގެ މަރުޙަބާ އެރަށުން ފައިސަލް އަށް ވަނީ ދަންނަވާފައެވެ. ބޮޑު ބެރާ އެކު ފައިސަލް އަށް މަރުހަބާ ދަންނަވާފައިވާއިރު، އެމަނިކުފާނު ވަނީ އެރަށު ގުޅިފައިވާ ސިޔާސީ ޕާޓީތަކުގެ ޖަގަހަ ހުޅުއްވައިދެއްފައެވެ.
