ކ. މާލެ
|
26 އޯގަސްޓް 2018 | އާދީއްތަ 08:46
އިބޫ ޗެސް ކުޅުއްވަނީ: އެމަނިކުފާނަށް އެންމެ ކަމުދާ ހަދިޔާއަކީ ވެސް ޗެސް ބޯޑެއް
އިބޫ ޗެސް ކުޅުއްވަނީ: އެމަނިކުފާނަށް އެންމެ ކަމުދާ ހަދިޔާއަކީ ވެސް ޗެސް ބޯޑެއް
މުހަންމަދު ވިސާމް
ރިޔާސީ އިންތިޚާބު 2018
އިބޫ އަށް ލިބިވަޑައިގެންނެވި އެންމެ ކަމުދާ އުފަން ދުވަހުގެ ހަދިޔާ އެނގޭތަ؟
 
އަދިވެސް އެ "ޗެސް ބޯޑު" ބޭނުން ކުރައްވާ
 
މިހާތަނަށް ލިބުނު އެންމެ ކަމުދާ ހަދިޔާ އަކީ "ޗެސް ބޯޑެއް

އުފަން ދުވަހު ހަދިޔާ ދިނުމަކީ ދިވެހިންގެ ތެރޭގައި ވެސް އޮތް ސަގާފަތެކެވެ. އުފަން ދުވަހު އެންމެ ކަމުދާ ހަދިޔާއެއް ލިބިއްޖެ ނަމަ، އެކަން އުމުރަށް ހަނދާން ވެސް ހުރެ އެވެ. މިހާރު އުމުރުފުޅުން 56 އަހަރުގެ، ގުޅިފައިވާ ޕާޓީތަކުގެ ކެންޑިޑޭޓް އަދި ހިންނަވަރު ދާއިރާގެ މެމްބަރު އިބްރާހިމް މުހައްމަދު ސޯލިހަށް  އެންމެ ކަމުދާ ހަދިޔާއަކަށް ލިބިވަޑައިގަތީ ކޮން އެއްޗެއްކަން އެނގޭހެއްޔެވެ؟                                

ރާއްޖެޓީވީން ކޮންމެ ހުކުރު ދުވަހެއްގެ ރޭ ގެނެސްދޭ "އިބޫ" ޕްރޮގްރާމުގައި އެމަނިކުފާނު ވަނީ އޭގެ ޖަވާބު ދެއްވާފައެވެ. އިބޫއަށް މިހާތަނަށް ލިބުނު އެންމެ ކަމުދާ ހަދިޔާ އަކީ "ޗެސް ބޯޑެކެވެ." އެއީ އެމަނިކުފާނުގެ އުފަންދުވަހުގެ ހަދިޔާތަކުގެ ތެރެއިން އެންމެ ހަނދާން ހުންނަ އަދި އެންމެ ކަމުދާ ހަދިޔާއެވެ.

"ވަރަށް ރީތި ޗެސް ބޯޑެއް އިނގޭތޯ. އަޅުގަނޑަކީ ރާޒުވާ ކުޅުމަށް ޝައުގުވެރިކަން ހުންނަ މީހަކަށް ވާތީ ވަރަށް ގަޔާވޭ. އަދިވެސް ހުންނާނެ އެ ޗެސް ބޯޑު." އިބޫ ވިދާޅުވިއެވެ.

އާއިލީ ބޭފުޅުން އެ ހަދިޔާ އެމަނިކުފާނަށް ދެއްވީ ރާޒުވާ ކުޅުއްވަން ޝައުވެރިކަން ހުންނަލެއް ބޮޑުކަމުން ކަމަށް އިބޫ ވިދާޅުވިއެވެ. އިބޫ ވިދާޅުވީ އަދިވެސް އެ "ޗެސް ބޯޑު" ބޭނުން ކުރައްވާކަމަށެވެ. އެހެން ނަމަވެސް އެއީ އިބޫގެ ކިތައް ވަނަ އުފަންދުވަހެއްގައި ލިބިވަޑައިގެންނެވި ހަދިޔާއެއް ކަމެއް އެމަނިކުފާނު ހާމައެއް ނުކުރައްވައެވެ.  

އިބޫގެ އުފަން ދުވަހަކީ 1 މާޗް 1962 އެވެ. 

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ހުސެން ފިޔާޒް
0%
100%
0%
0%
0%
0%
ކޮމެންޓް