މަޝްހޫރު ވިކްޓޯރިއާސް ސީކްރެޓްގެ 20 އައުޓްލެޓެއް މި އަހަރު ބަންދު ކުރަން ނިންމައިފިއެވެ.
އެ ކުންފުނިން 20 ސްޓޯރެއް ބަންދުކުރަން ނިންމީ ސޭލްސް ދަށްވުމާ ގުޅިގެން ކަމަށް ރިޕޯޓްތައް ބުނެއެވެ. އަދި ފިހާރަތައް ބަންދުކުރަން ނިންމީ ކުންފުނީގެ އިންވެސްޓަރުންނާ އެއްކޮށް ބޭއްވި ފޯނު ބައްދަލުވުމެއް މެދުވެރިކޮށް ކަމަށް ބިޒްނަސް އިންސައިޑަރގައި ވެއެވެ.
އެ ކުންފުނީގެ ސްޓޯރުތައް އެކި ޤައުމުތަކުގައި ހިންގާ އިރު ބަންދުކުރަން ނިންމާފައިވާ ތަންތަނަކީ ކޮބައިކަން އެ ކުންފުނިން އަދި ހާމައެއް ނުކުރެއެވެ. މި އަހަރު އެ ކުންފުނިން ވަނީ އުތުރު އެމެރިކާގައި ހިންގި ހަ ތަނެއް ބަންދުކޮށްފައެވެ.
ވިކްޓޯރިއާސް ސީކްރެޓް ބްރޭންޑަކީ އާންމުންގެ މެދުގައި މަޤްބޫލުކަން ހޯދާފައިވާ ބްރޭންޑެކެވެ. އެ ކުންފުނިން އުފައްދާ ބައެއް ސާމާނުތަކުގެ ތެރޭގައި ރީތިވާ ސާމާނާއި އެތެރެއިންލާ އަންނައުނާއި އަންހެންނަށް ހާއްސަ ދަބަހާއި މޭކަޕް ސާމާނު ހިމެނެއެވެ.
ވިކްޓޯރިއާސް ސީކްރެޓްގެ "ބޮމް ޝެލް" ސެންޓަކީ ވަރަށް މަޤްބޫލް ތަނެކެވެ.
