މަރިޔާދުގެއެއް އަންދާލި މައްސަލައެއްގައި ގައްދޫއިން މީހަކު ހައްޔަރުކޮށްފި
20 އޯގަސްޓު 2018 | ހޯމަ 18:28މަރިޔާދުގެއަކީ ރައީސް ޔާމީނަށް މަރުހަބާ ދަންނަވަން ހެދި ތަނެއް
ގައްދޫ މަރިޔާދުގޭގައި އަލިފާން ރޯވެ އަނދަނީ
ގދ. ގައްދޫ ބަނދަރުމަތީގައި ހަދާފައިވާ މަރިޔާދުގޭގައި ރޯކޮށްލި މައްސަލާގައި މީހަކު ހައްޔަރުކޮށްފިއެވެ.
ފުލުހުންގެ މީޑިއާ އޮފިޝަލަކު "ރާއްޖެއެމްވީ"އަށް ވިދާޅުވީ މަރިޔާދުގޭގައި ރޯކޮށްލި މައްސަލާގައި ހައްޔަރުކޮށްފައި ވަނީ 41 އަހަރުގެ ފިރިހެނެއް ކަމަށެވެ. އެ ހާދިސާގެ ރިޕޯޓް ފުލުހުންނަށް ލިބުނީ ހޯމަ ދުވަހުގެ ރޭ 10:30 އެހާކަންހާއިރު ކަމަށާއި އަލިފާނުގެ އެ ހާދިސާގައި އެއްވެސް މީހަށް ގެއްލުމެއް ނުވާ ކަމަށް އޮފިޝަލް ވިދާޅުވިއެވެ.
އެ ހާދިސާގައި ލަކުނޑި އާއި ފަހުން ހަދާފައިވާ އެ މަރިޔާދުގެ ބޭނުން ނުކުރެވޭ ވަރަށް ވަނީ އަނދާފައެވެ.
ގައްދޫ ބަނދަރުމަތީގައި ހަދާފައިވާ މަރިޔާދުގެއަކީ ރައީސް ޔާމީން ހުވަދު އަތޮޅަށް ކުރެއްވި ދަތުރުފުޅުގައި އެމަނިކުފާނަށް މަރުހަބާ ދެންނެވުމަށް ހެދި ތަނެކެވެ. އެ ތަން ހަދާފައި ގައްދޫގައި އުޅޭ ޕީޕީއެމްގެ ސަޕޯޓަރުންނެވެ.
