ފިލްމީ ކެރިއާގައި ކޮންމެވެސް ދުވަހަކުން ފިލްމު ޕްރޮޑިއުސް ކުރަން ބޭނުންވާކަމަށް އެކްޓަރ ރާޖް ކުމާރު ރާއޯ ބުނެފިއެވެ.
އޭނާ މިހެން ބުނެފައިވަނީ ކުރިއަށް އޮތް އޭނާގެ ފިލްމުގެ މައުލޫމާތު ދިނުމަށް ބޭއްވި ސެޝަނެއްގައި ވާހަކަ ދައްކަމުންނެވެ.
ފިލްމު ޕްރޮޑިއުސްކުރަން ބޭނުންވިއަސް ރާޖް ކުމާރު ރާއޯ ގަބޫލު ކުރާގޮތުގައި އަދި އޭނާގެ ގައިގައި އެކަމުގެ ގާބިލު ކަމެއް ނެތެވެ. އެހެންކަމުން އޭނާ ބޭނުންވަނީ ބޭނުންވާ ހުރިހާ ކޮލެޓީއެއް ހަމަވުމުން ފިލްމު ޕްރޮޑިއުސް ކުރަން ފަށަން ކަމަށް ރާޖް ކުމާރުގެ އިންޓަވިއުގައި ވަނީ ބުނެފައެވެ. ރާޖްކުމާރު ރާއޯ ބުނީ އޭނާ ކިޔައިދޭން ބޭނުންވާ ވާހަކަތައް އެބަހުރި ކަމަށާއި އެވާހަކަތައް ބެލުންތެރިންނާ ހަމައަށް ޕްރޮޑިއުސަރަކަށް ވީ ދުވަހަކުން ގެނެސްދޭނެކަމަށެވެ.
މިއަހަރަކީ ރާޖް ކުމާރަށް ފިލްމުތަކާއިގެން ބުރަ އަހަރެކެވެ. އޭނާ އެންމެ ފަހުން ފެނިގެން ގޮސްފައިވަނީ އައިޝްވަރިޔާ އާއި އެކީ ކުޅުނު ފިލްމު "ފަންނޭ ޚާން"އިންނެވެ. އޭނާގެ ކުރިއަށް ހުރި ފިލްމުތަކަށް ބަލާއިރު މިމަހުގެ 31ގައި ނެރޭ ފިލްމު "ސްޓްރީ" އާއި އަންނަ އަހަރުގެ ފެބްރުއަރީ މަހުގެ 22 ގައި ނެރޭ "މެންޓަލް ހޭ ކިޔާ" ހިމެނެއެވެ.
