ރާއްޖެ ޓީވީ ޖޫރިމަނާކުރުމުން ޕާކިސްތާން ޕްރެސް ފައުންޑޭޝަނުން ރައީސް ޔާމީނަށް ކަންބޮޑުވުމުގެ ސިޓީއެއް!
10 އޯގަސްޓު 2018 | ހުކުރު 16:36ސިޓީގައި ގޮވާލާފައިވަނީ ރާއްޖެ ޓީވީއާއި ދެކޮޅަށް ކޮށްފައިވާ ޖޫރިމަނާ އުވާލުމަށް
އަބުރުފުޅު ފަންޑު ފޮށި ހިންނަވަރުގައި ބަހައްޓާފައި
ރާއްޖެ ޓީވީ ޖޫރިމަނާކުރުމާއި ގުޅިގެން ޕާކިސްތާނުގެ ޕްރެސް ފައުންޑޭޝަނުން ކަންބޮޑުވުން ފާޅުކޮށް، ރައީސް އަބްދުﷲ ޔާމީނަށް ސިޓީއެއް ފޮނުވައިފިއެވެ.
ޕާކިސްތާން ޕްރެސް ފައުންޑޭޝަންގެ ސެކްރެޓަރީ ޖެނެރަލް އުވައިސް އަސްލަމް އަލީ ސޮއެކުރައްވައި ފޮނުވާފައިވާ ސިޓީގައި ގޮވާލާފައިވަނީ ރާއްޖެ ޓީވީއާއި ދެކޮޅަށް ކޮށްފައިވާ ޖޫރިމަނާ އުވާލުމަށެވެ. އަދި ސަރުކާރުން ބްރޯޑްކާސްޓަރުންނާއި ނޫސްވެރިކަމުގެ މިނިވަންކަމަށް އަމާޒުކޮށްގެން ހިންގާ ކަންކަން ހުއްޓާލުމަށްވެސް އެޖަމްއިއްޔާއިން ވަނީ ގޮވާލާފައެވެ.
ޕާކިސްތާނުގެ ޕްރެސް ފައުންޑޭޝަނުން މި ސިޓީ ފޮނުވާފައި މިވަނީ ނޫސްވެރިންގެ ހައްޤުގައި މަސައްކަތްކުރާ ޖަމްއިއްޔާއެއްކަމަށްވާ ކޮމިޓީ ޓު ޕްރޮޓެކްޓް ޖާނަލިސްޓްސްއިންވެސް ރާއްޖެ ޓީވީ ޖޫރިމަނާކުރުމަށް ބްރޯޑްކާސްޓިންގ ކޮމިޝަނުން ނިންމި ނިންމުން ބާތިލްކުރުމަށް ގޮވާލާފައިވަނިކޮށެވެ. ޕާކިސްތާނުގެ ޕްރެސް ފައުންޑޭޝަނުން ރައީސް ޔާމީނަށް ފޮނުވި ސިޓީގައިވެސް ސީޕީޖޭގެ ބަޔާނާއި، ޖޫރިމަނާގެ މައްސަލައިގައި ރާއްޖެ ޓީވީއިން ނެރުނު ބަޔާނުގައި ހިމެނޭ ކަންކަން ފާހަގަކޮށްފައިވެއެވެ.
ޕާކިސްތާން ޕްރެސް ފައުންޑޭޝަނަކީ ނޫސްވެރިކަމުގެ މިނިވަންކަމާއި، ނޫސްވެރިންގެ ހައްޤުގައި ވަކާލާތުކުރާ ޕާކިސްތާނުގެ އަމިއްލަ ޖަމްއިއްޔާއެކެވެ.
