ކ. މާލެ
|
28 ޖުލައި 2018 | ހޮނިހިރު 13:02
ހުދައިދާ ބަނދަރަކީ ޔަމަނަށް ކަނޑުމަގުން އެތެރެކުރާ މުދަލުގެ 70 އިންސައްތަ އެތެރެކުރާ ބަނދަރު
ހުދައިދާ ބަނދަރަކީ ޔަމަނަށް ކަނޑުމަގުން އެތެރެކުރާ މުދަލުގެ 70 އިންސައްތަ އެތެރެކުރާ ބަނދަރު
ސުޕުނިޓްނިކް އިންޓަނޭޝަނަލް
ޔަމަން ހަނގުރާމަ
ޔަމަނުގެ ހުދައިދާއަށް ސަައުދީ އާއި ޔޫއޭއީން ހަމަލާދީފި
 
ހުދައިދާއަކީ 6 ލައްކައެއްހާ މީހުންގެ އާބާދީއެއް އޮންނަ ރަށެއް

ސައުދީ އަރަބިއްޔާ އާއި ޔުނައިޓެޑް އަރަބް އެމިރޭޓްސްއަށް ނިސްބަތްވާ އަސްކަރީ މަތިންދާބޯޓްތަކުން ޔަމަނުގެ ހުދައިދާގައި ތިބި ހޫޘީ ހަނގުރާމަވެރިންނަށް ހަމަލާތަކެއް ދީފިއެވެ.

ހޫޘީން ހިންގާ އަލް މައިސަރާ ޓީވީ އިން ހުކުރު ދުވަހު ސިލްސިލާކޮށް ކުރި ޓްވީޓްތަކެއްގައި ބުނެފައި ވަނީ ސައުދީ އާއި ގުޅިފައިވާ ފައުޖުން ވައިގެ މަގުން ދިން ހަމަލާތައް ރެޑްސީ ސިޓީގައި ހުރި ރޭޑިއޯ ސްޓޭޝަނަކަށާއި މަސްވެރިކަން ކުރުމަށް އަޅާފައި އޮންނަ ފާލަމަކަށް އަމާޒުވި ކަމަށެވެ.

ހުދެއިދާގައި ސައުދީ ކޯލިޝަނުގެ އަސްކަރީ އޮޕަރޭޝަން އަލުން ފަށާފައި މިވަނީ ޔުނައިޓެޑް އަރަބް އެމިރޭޓްސްގެ މައި އެއަރޕޯޓަށް ދިން ޑްރޯން ހަމަލާގެ ޒިންމާ ހޫސީން އުފުލިތާ އެއް ދުވަހުގެ ތެރޭގައެވެ.

އަލް މައިސަރާ ޓީވީ ޗެނަލް އިން ބުނާ ގޮތުގައި ސައްމާދު 3 މަރުކާގެ ޑްރޯންއަކުން ވަނީ އަބޫދާބީ އިންޓަރނޭޝަނަލް އެއަރޕޯޓަށް ތިން ފަހަރެއްގެ މަތިން ހަމަލާދީފައެވެ.

އަބޫދާބީ އެއަރޕޯޓުން ވަނީ ސަޕްލައި ވެހިކަލެއްގައި ހާދިސާއެއް ހިނގާފައިވާ ކަމަށާއި ނަމަވެސް އޮޕަރޭޝަނަށް ބުރުލެއް އަރާފައިވާ ނުވާ ކަމަށް ބުނެ ބުރާސްފަތި ދުވަހު ޓްވީޓެއްކޮށްފައެވެ.

ހޫޘީ އަސްކަރިއްޔާގެ މަސްދަރުތަކުން ބުނެފައިވާ ގޮތުގައި އަބޫދާބީ އެއަރޕޯޓާ ހަމައަށް ފޯރުމުގެ ކުރިން 1،500 ކިލޯމީޓަރުދުރުން އުދުހިފައިވެއެވެ.

ހުދައިދާއަކީ ހަ ލައްކައެއްހާ މީހުންގެ އާބާދީއެއް އޮންނަ ރަށެކެވެ. އެރަށުގެ ބަނދަރަކީ ޔަމަނަށް ކަނޑުމަގުން އެތެރެކުރާ މުދަލުގެ 70 އިންސައްތަ އެތެރެކުރާ ބަނދަރެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަލީ ޔޫސުފް
0%
0%
0%
0%
0%
0%
ކޮމެންޓް