އިބޫ އާއި ފައިސަލް މަކުނަދޫ ދާއިރާގެ ކެމްޕެއިން ޓީމާއި ބައްދަލުކުރައްވައިފި
މި ބައްދަލުވުމުގައި މަކުނަދޫ ދާއިރާގެ މެމްބަރު އަނާރާ ނައީމް ބައިވެރިވަޑައިގެންނެވި
އިބޫ އާއި ފައިސަލް މަކުނަދޫ ދާއިރާގެ ކެމްޕއިން ޓީމާއި ބައްދަލުކުރައްވަނީ
ގުޅިފައިވާ ސިޔާސީ ޕާޓީތަކުގެ ފަރާތުން އިންތިހާބުގައި ވާދަކުރައްވާ އެމްޑީޕީގެ ރިޔާސީ ކެނޑިޑޭޓް އިބްރަހިމް މުހައްމަދު ސޯލިހު (އިބޫ) އާއި އެމަނިކުފާނުގެ ރަނިންގމޭޓް ފައިސަލް ނަސީމް މަކުނަދޫ ދާއިރާގެ ކެމްޕެއިން ޓީމާއި ބައްދަލުކުރައްވާއިފި އެވެ.
ބުދަ ދުވަހު މެންދުރު ސޯލްޓް ކެފޭގައި ކުރިއަށް ދިޔަ މި ބައްދަލުވުމުގައި މައިގަނޑު ގޮތެއްގައި މަޝްވަރާ ކުރައްވާފައި ވަނީ މަކުނަދޫ ދާއިރާގެ ކެމްޕެއިން ހަރަކާތަށް ކުރިއަށް ގެންދާނެ ގޮތާއި ގުޅޭގޮތުންނާއި ކެމްޕެއިން ވަރުގަދަ ކުރުމަށް ކުރެވިދާނެ ކަންކަމާއި ގުޅޭގޮތުންނެވެ. މި ބައްދަލުވުމުގައި މަކުނަދޫ ދާއިރާގެ ރައްޔިތުންގެ މަޖިލީހުގެ މެމްބަރު އަނާރާ ނައީމް ބައިވެރިވަޑައިގެންވިކަން ފާހަގަކޮށްލެވެ.
އިބޫ އާއި ފައިސަލް މަކުނަދޫ ދާއިރާގެ ކެމްޕއިން ޓީމާއި ބައްދަލުކުރައްވަނީ -- ފޮޓޯ: ރާއްޖެ.އެމްވީ
އިންތިހާބުގެ ކެމްޕެއިން ހަރަކާތަށް ވަރުގަދަ ކުރުމަށް، ކެމްޕެއިން ކުރިއަށް ގެންދާނެ ގޮތާއި ގުޅޭގޮތުން އިބޫ އާއި ފައިސަލް ގެންދަވަނީ އެކި ދާއިރާތަކުގެ ކެމްޕެއިން ޓީމްތަކާއި ބައްދަލުކުރައްވަމުނެވެ. އަންގާރަ ދުވަހު އެ ދެ ބޭފުޅުން ވަނީ ގުޅިފައިވާ ސިޔާސީ ޕާޓީތަކުގެ ފަރާތުން ކެމްޕެއިންގެ ކޯނޑިނޭޓަރުންގެ ގޮތުގައި ހަމަޖައްސަވާފައިވާ ބޭފުޅުންނާއި ވެސް ބައްދަލުކުރައްވާފައެވެ. އަދި ބުދަ ދުވަހު މެންދުރުގައި މާލޭ ސިޓީ ކައުންސިލާއި ބައްދަލުކުރެއްވިކަން ފާހަގަކޮށްލެއެވެ.
ރައްޔިތުންގެ ހާލަތު ދެކެގަތުމަށްޓަކައި އިބޫ އާއި ފައިސަލް ދަނީ އަތޮޅުރެއާއި މާލޭގައި ދޮރުން ދޮރަން ހިންގަވަމުނެވެ. މި ބައްދަލުވުންތަކުގައި ލިބޭ މައުލޫމާތާއި އެކު އަންނަ ހަފްތާގެ ތެރޭގައި ގުޅިފައިވާ ޕާޓީތަކުގެ މެނިފެސްޓޯ ހާމަކުރަން ވަނީ ހަމަޖެހިފައެވެ.
