ދިވެހި ފިލްމު އެވޯޑަށް ވާދަކުރާނެ ފިލްމުތައް ބައިވެރިކުރުމުގެ ފުރުސަތު ހުޅުވާލައިފިއެވެ.
ނޭޝަަލް ސެންޓަރ ފޯ ދި އާޓްސް (އެންސީއޭ) އިން ކޮންމެ އަހަރަކުން ދެމުން އަންނަ ދިވެހި ފިލްމު އެވޯޑަކީ ދިވެހި ފިލްމީ އުފެއްދުންތަކާއި ފިލްމީ ދާއިރާގައި މަސައްކަތްކުރާ ފަރާތްތަކަށް ހިތްވަރުދީ މަސައްކަތްތައް އަގުވަޒަންކުރުމުގެ ގޮތުން ގައުމީ ފެންވަރުގައި ދެމުން އަންނަ އެވޯޑެކެވެ.
އެވޯޑުގައި ބައިވެރިވުމަށް އެދޭ ފިލްމުތަކަށް އޮގަސްޓް މަހު 30އާ ހަމައަށް ފޯމުލުމުގެ ފުރުސަތު ހުޅުވާލާފައިވާކަމަށް އެންސީއޭ އިން ބުނެއެވެ.
އެންމެ ފަހުން ބޭއްވި ދިވެހި ފިލްމު އެވޯޑުގައި 31 ދާއިރާއަކުން ދިން އެވޯޑުތަކުގެތަކުގެ ތެރެއިން އެންމެ ގިނަ އެވޯޑް ލިބިފައިވަނީ ޑާކް ރެއިން އެންޓަޓެއިންމަންޓްއަށެވެ. ޑާކްރެއިން އެންޓަޓެއިންމަންޓަށްވަނީ 22 އެވޯޑެއް ލިބިފައެވެ. މިދިޔަ އަހަރު އެންމެ މޮޅު ފިލްމަކަށް ހޮވުނީ ޑާކްރެއިންގެ ފިލްމު ވަށޭ މަށާ އެކީ އެވެ.
މިދިޔަ އަހަރު ނިކުތް ދިވެހި ފިލްމު ތަކުގެ ތެރޭގައި ހައްދު، ބޮސް، ނޯޓީ40، މިއީ ލޯތްބަކީ، ނޭދެން ވަކިވާކަށް، މަލިކާ، އިލް ނޮއިސް ހިމެނެއެވެ.
މިއީ މި އެވޯޑް ބާއްވާ 9 ވަނަ ފަހަރެވެ.
