ކޮސްމެޓިކްސްގެ ހުރިހާ ރޭންޖެއް ހުޅުމާލޭ 'ބްލެކް އެން' އިން!
24 ޖުލައި 2018 | އަންގާރަ 17:08ކޮސްމެޓިކްސް އެންމެ އާދައިގެ ޕްރޮޑަކްޓްތަކުން ފެށިގެން އެންމެ ކޮލިޓީ ތަކެއްޗާ ހަމައަށް ލިބެން ހުރޭ
ބްލެކް އެން ފިހާރަ
ކޮސްމެޓިކްސްގެ ހުރިހާ ރޭންޖެއް އެއްތަނަކުން ލިބޭނެ ފިހާރައެއް ހުޅުމާލޭގައި ހުޅުވައިފިއެވެ.
"ބްލެކް އެން" ގެ ނަމުގައި ހުޅުމާލޭ ނިރޮޅު މަގު ހުދުމާ ދޭއް ކައިރީގައި އާދިއްތަ ދުވަހުގެ ރޭ އަލަށް ހުޅުވި މި ފިހާރަ އިން އެންމެ އާދައިގެ ޕްރޮޑަކްޓްތަކުން ފެށިގެން އެންމެ ކޮލިޓީ ތަކެއްޗާ ހަމައަށް ލިބެން ހުރެއެވެ.
ކަލަރ ކޮސްމެޓިކްސް ނަން ހުސްކޮށް ގަންނަން ލިބޭ މި ފިހާރައިގައި ރާއްޖޭގެ މާކެޓުގައި މިހާރު މަޝްހޫރު ގިނަ ބްރޭންޑްތަކުގެ ސެންޓާއި ރީތިވާ ސާމާނު ހެޔޮ އަގެއްގައި ލިބެން ހުންނާނެ ކަމުގައި އެ ފިހާރައިން ބުނެއެވެ.
ބްލެކްއެން ގައި މަޝްހޫރު އެތައް ބްރޭންޑެއްގެ ކޮސްމެޓިކްސް ލިބެން ހުރޭ
މަޝްހޫރު ބްރޭންޑްތައް ކަމުގައިވާ ހުދާ ބިއުޓީ، ޖެނެޓް، މެކް، ލޯރިއަލް، ރެވެލޯން، މޭބްލިން އަދި ޕައިސްގެ އެކި ވައްތަރުތައް މި ފިހާރައިން ލިބެން ހުރެއެވެ.
"މިއީ މޭކަޕް ސާމާނާއި ރީތިވާ ސާމާނު ހޯދުމަށް މާލެއަށް ދާ ދިއުމަށް ނިމުމެއް ގެނުވާނެ ފިހާރައެއް" ކަމަށް "ބްލެކް އެން" ގެ މެނޭޖްމަންޓުން ބުންޏެވެ.
