އިބޫގެ ކެމްޕެއިނުގެ ފުރަތަމަ ދަތުރުފުޅުގައި އައްޑޫ އާއި ފުވަމުއްލަކު ސިޓީއަށް ފުރާވަޑައިގެންފި

ގުޅިފައިވާ ސިޔާސީ ޕާޓީތަކުގެ ރިޔާސީ ކެންޑިޑޭޓް، އިބްރާހިމް މުހައްމަދު ސޯލިހު (އިބޫ) ރާއްޖޭގެ ރަށްތަކަށް ކުރައްވާ ފުރަތަމަ ދަތުރުފުޅުގައި އައްޑޫ އާއި ފުވައްމުލަކު ސިޓީއަށް މިއަދު ވަޑައިގަންނަވާނެއެވެ.

އެމްޑީޕީގެ ރިޔާސީ ކެންޑިޑޭޓް އިބޫ، އައްޑޫ ސިޓީއަށް ވަޑައިގަތުމަށް ހަމަޖައްސާފައި ވަނީ މިއަދު (ހުކުރު ދުވަހުގެ) ހަވީރެވެ. އަދި މިރޭ، އެ ސިޓީގެ ހިތަދޫގައި ކެމްޕެއިން ޓީމްތަކާ އެކު ބައްދަލުކުރައްވަން ވަނީ ހަމަޖެހިފައެވެ. އެކަން އޮންނާނީ ހިތަދޫގައި ހުންނަ އެމްޑީޕީގެ ހަރުގޭގައެވެ. އަދި ހޮނިހިރު ދުވަހު ފޭދޫގައި ދޮރުން ދޮރަށް ކެމްޕެއިން ފެއްޓެވުމަށް ފަހު އެރަށުގައި އެ ހަރަކާތް ހިންގަންވާ ގޮތަށް ވަނީ ހަމަޖެހިފައެވެ.

އިބޫ އައްޑޫ ސިޓީއަށް ފުރާވަޑައިގަތުން

އޭގެ ފަހުން ހުޅުދޫ އާއި މީދޫއަށް ވަޑައިގެން އެ ދެ ރަށުގައި ވެސް އެ ދުވަހު ދޮރުން ދޮރަށް ކެމްޕެއިން ކުރިއަށް ގެންދެވުމާއި ކެމްޕެއިން ޓީމްތަކާ ބައްދަލު ކުރެއްވުމަށް ވަނީ އިންތިޒާމް ކޮށްފައެވެ.

ފުވައްމަލު ސިޓީއަށް އިބޫ ވަޑައިގަތުމަށް ހަމަޖައްސަވާފައި ވަނީ ހޮނިހިރު ދުވަހުގެ މެންދުރު ފަހުއެވެ. އަދި އެ ސިޓީގައި ވެސް ދޮރުން ދޮރަށް ކެމްޕެއިން ކުރެއްވުމުގެ އިތުރަށް އެރަށުގެ ކެމްޕެއިން ޓީމްތަކާ އިބޫ ބައްދަލުކުރައްވާނެއެވެ. އެއަށްފަހު އާދިއްތަ ދުވަހު ފުވަމުއްލަކުން އެނބުރި އަނެއްކާ ވެސް އައްޑޫއަށް ވަޑައިގެން މަރަދޫ އާއި ހިތަދޫގެ ގެތަކަށް އިބޫ ޒިޔާރަތްކުރައްވާ ގޮތަށް ވެސް ވަނީ ހަމަޖައްސަވާފައެވެ.

އިބޫ އައްޑޫ ސިޓީއަށް ފުރާވަޑައިގަތުން

މި އަހަރު ބާއްވާ ރިޔާސީ އިންތިޚާބުގެ ކެންޑިޑޭޓޭއްގެ ގޮތުގައި ކަނޑައެޅި ފަހުން އިބޫ ވަނީ މާލޭ ސިޓީގައި ދޮރުން ދޮރަށް ކެމްޕެއިން ކުރައްވާފައެވެ. އެގޮތުން މާލެ އާއި ވިލިމާލެ އަދި އަންގާރަ ދުވަހު ހުޅުމާލޭގައި ވެސް ހަރަކާތްތައް ކުރިއަށް ގެންދެވިއެވެ. މަޢުލޫމާތު ލިބިފައިވ ގޮތުގައި އައްޑޫ އާއި ފުވައްމުލަކުގެ ދަތުރަށް ފަހު އިތުރު ރަށްތަކަށް އެމަނިކުފާނާއި ގުޅިފައިވާ ސިޔާސީ ޕާޓީތަކުގެ ޓީމްތައް ދަތުކުރާނެއެވެ.