ދެދުވަހުގެ ދަތުރުފުޅެއްގައި ރައީސް ޓްރަމްޕް އިނގިރޭސި ވިލާތައް ވަޑައިގެންފި
12 ޖުލައި 2018 | ބުރާސްފަތި 17:55ރައީސް ޓްރަމްޕް ވަޑައިގެންނެވީ ދެދުވަހުގެ ދަތުރުފުޅެއްގައި
ލަންޑަނުގެ ސްޓެންސްޓެޑް އެއާރޕޯޓުން ރައީސް ޓްރަމްޕް އަށް މަރުހަބާ ކިޔަނީ
އެމެރިކާގެ ރައީސް ކަމާ ޑޮނަލްޑް ޓްރަމްޕް ހަވާލުވެވަޑައިގަތް ފަހުން އިނގިރޭސި ވިލާތައް ކުރައްވާ ފުރަތަމަ ދަތުރުފުޅުގައި ބުރާސްފަތި ދުވަހު އެގައުމަށް ވަޑައިގެންފިއެވެ.
ދެ ދުވަހުގެ ދަތުރުފުޅެއްގައި ރައީސް ޓްރަމްޕް އިނިގިރޭސި ވިލާތައް ވަޑައިގެންނެވި އިރު މިދަތުރުފުޅުގައި އިނގިރޭސި ބޮޑު ވަޒީރު ތެރީސާ މޭ އާ ވެސް ރައީސް ޓްރަމްޕް ބައްދަލު ކުރައްވާ ގޮތަށް ހަަމަޖެހިފައިވެއެވެ.
ރައީސް ޓްރަމްޕް އިނގިރޭސި ވިލާތައް ކުރައްވަނީ "ވާރކިން ވިޒިޓެކެވެ." އެމަނިކުފާނު އިނގިރޭސި ބޮޑު ވަޒީރުގެ އިތުރަށް، އިނގިރޭސި ވިލާތުގެ ވިޔަފާރިވެރިންނާއި އިނގިރޭސި ރާނީ ކްއީން އެލިޒަބަތު އާ ވެސް ބައްދަލު ކުރައްވާނެ އެވެ.
އިނގިރޭސި ވިލާތައް ރައީސް ޓްރަމްޕް ކުރައްވާ ދަތުރުފުޅުގައި ބުރާސްފަތި ދުވަހާއި ހުކުރު ދުވަސް ހޭދަ ކުރައްވާނީ އިންގްލެންޑުގައެވެ. އަދި އެއަށް ފަހު ވަޑައިގަންނަވާނީ ސްކޮޓްލެންޑަށެވެ. ރައީސް ޓްރަމްޕް އިނގިރޭސި ވިލާތައް ކުރައްވަމުން ގެންދަވަނީ "ސްޓޭޓް ވިޒިޓެއް" ނޫން ކަމުން ރައީސް ޓްރަމްޕް ހުންނަވާނީ ލަންޑަނުގައި، އެމެރިކާ އިން އިގިރޭސި ވިލާތައް ކަނޑައަޅުއްވާފައިވާ އެމްބެސެޑަރުގެ އަރިހުގައެވެ.
