ޖަޕާނަށް ކުރަމުންދާ މޫސުމީ ވިއްސާރައިގައި ފެންބޮޑުވެ 100 އަށްވުރެ ގިނަ މީހުން މަރުވެއްޖެ

ޖަޕާނުގެ ހުޅަނަގުގެ ސަރަހައްދުތަކަށް ރެކޯޑް މިންވަރަކަށް ވާރޭވެހި ފެންބޮޑުވެ ބިންގަޑުކަނޑައިގެންދިއުމާއި ގުޅިގެން މަރުވި މީހުންގެ އަދަދު މަދުވެގެން 100 އަށް އަރާ ކަމަށް ސަރުކާރުގެ ތަރުޖަމާނު ވިދާޅުވެއްޖެއެވެ.

ޖަޕާން ޓައިމްސް ރިޕޯޓްކޮށްފައިވާ ގޮތުގައި 50 އަށްވުރެ ގިނަ މީހުންވަނީ ގެއްލިފައެވެ.

ބުރާސްފަތި ދުވަހުން ފެށިގެން ޖަޕާނުގެ ހުޅަނގުގެ ސަރަހައްދުތަކަށް ވާރޭ ވެހިފައިވާ މިންވަރަކީ އާއްމުކޮށް މުޅި ޖުލައި މަހު ވެހޭ މިންވަރުގެ ތިންގުނައެވެ.

ކޯރުތައް ބަންޑުން ވެދާނެކަމުގެ ބިރާއިއެކު ދެ މިލިއަނަށް ވުރެ ގިނަ މީހުންނަށް ވަނީ ރައްކާތެރި ސަރަހައްދުތަކަށް ބަދަލުވުމަށް އެންގިފައެވެ.

" މީގެ ކުރިން މިފަދަ ވިއްސާރައެއް އަޅުގަނޑުމެން ތަޖުރިބބާއެއް ނުކުރަން" މޫސުމާއި ބެހޭ އޮފިޝަލަކު ވިދާޅުވިއެވެ.

މީހުން ސަލާމަތްކުރުމުގެ މަސައްކަތްކުރާ ފަރާތްތަކުން ވަނީ ކިސަޑުގެ ތެރެއިން ދިރި ހުރި މީހަކު ފެނޭތޯ އަދި ހޯމަ ދުވަހުގެ ހެނދުނު މަރުވި މީހުން ހަށިތައް ހޯދުމުގެ މަސައްކަތް އަލުންފަށާފައެވެ.

އޮކަޔާމާ ޕްރިފެކްޗަރގެ އޮފިޝަލަކު އޭއެފްޕީގައި ނޫސް އޭޖެންސީއަށް ވިދާޅުވީ ފެންގަނޑު މަޑުމަޑުން ހިނދެމުންދާ ކަމަށާއި އެންމެ ބޮޑަށް އަސަރު ކުރި ސަރަހައްދުތަކަށް ކުއްލި ހާލަތުގައި މަސައްކަތް ކުރާ ފަރާތްތަކަށް ފައިމަގުގައި ވަދެވޭނެ ކަމަށް ބެލެވޭކަމަށެވެ.

އެންމެ ގިނަ މީހުން މަރުވެފައިވަނީ ހިރޯޝިމާ ޕްރިފެކްޗަރއިންނެވެ.

ވެރިރަށް ޓޯކިޔޯގެ ހުޅަނގުން 600 ކިލޯމީޓަރު ދުރުމިނުގައި އޮންނަ މޮޓޮޔާމާ ޓައުންއަށް ހުކުރު ދުވަހުގެ ހެނދުނުން ފެށިގެން ހޮނިހިރު ދުވަހުގެ ހެނެދުނާއި ހަމައަށް 583 މިލިމީޓަރގެ ވާރޭވެހިފައިވެއެވެ.