ކެނަޑާގެ ސަފީރު ޖުމްހޫރީ ޕާޓީއާ ބައްދަލުކޮށްފި
30 ޖޫން 2018 | ހޮނިހިރު 10:09ރާއްޖޭގެ ސިޔާސީ ހަލަތާ ގުޅޭ ގޮތުން މަޝްވަރާ ކުރެއްވި
ކެނަޑާގެ ސަފީރާއި ޖުމްހޫރީ ޕާޓީގެ އިސްވެރިންގެ ބަންދަލުވުމުގެ ތެރެއިން | ޓްވިޓަރ
ސްރީލަންކާއަށާއި ރާއްޖެއަށް ކެނަޑާ އިން ކަނޑައަޅުއްވާފައިވާ ސަފީރު ޑޭވިޑް މެކިނަން، ޖުމްހޫރީ ޕާޓީގެ އިސްވެރިންނާ ބައްދަލު ކުރައްވައިފިއެވެ.
ޖުމްހޫރީ ޕާޓީން ބުނީ އެޕާޓީގެ އޮފީސް، މ. ކުނޫޒުގައި ބޭއްވި މި ބައްދަލުވުމުގައި ކެނަޑާގެ ސަފީރު މެކިނަންއާ ބައްދަލުކުރައްވައި ރާއްޖޭގެ ސިޔާސީ ހާލަތާ ގުޅޭ ގޮތުން މައުލޫމާތު ހިއްސާކޮށްފައިވާ ކަމަށެވެ.
ޖުމްހޫރީ ޕާޓީގެ ފަރާތުން ކެނަޑާގެ ސަފީރު މެކިނަންއާ ބައްދަލު ކުރައްވާފައި ވަނީ އެޕާޓީގެ ނާއިބު ރައީސް ޑރ. އަބްދުﷲ މައުސޫމާއި އެޕާޓީގެ ކައުންސިލްގެ ބައެއް މެމްބަރުންނެވެ.
ކެނަޑާގެ ސަފީރު މެކިނަން ވަނީ މިވަގުތު ގޭ ބަންދުގައި ހުންނެވި، ރައްޔިތުންގެ މަޖިލީހުގެ ގަލޮޅު ދެކުނު ދާއިރާގެ މެމްބަރު އަހުމަދު މަހުލޫފާ ވެސް ބައްދަލު ކުރައްވާފައެވެ.
