ޔަމަނުގެ ހުދެއިދާގެ ބަދަރަށް، އެހީ ފޯރުކޮށްދޭ ބޯޓްތައް
30 ޖޫން 2018 | ހޮނިހިރު 03:57އެހީ ފޯރު ކޮށްދޭ ބޯޓު ފަހަރު ބަދަރު ކުރުމުގެ ހުއްދަ ދީފި
ހުދައިދާގެ ބަދަރާ ކައިރިކޮށްފައިވާ ބޯޓުތަކެއް
ސައުދީއާއި ޔޫއޭއީ އިސްވެ އުފައްދާފައިވާ އަސްކަރީ ކޯލިޝަނުގެ ބާރުގެ ދަށުގައިވާ ޔަމަނުގެ ހުދައިދާއަށް އެހީ ފޯރުކޮށްދޭންއައި ބޯޓުފަހަރަށް ބަދަރުކުރުމުގެ ހުއްދަ ދީފިއެވެ.
ކޯލިޝަނުން ބުނީ ފާއިތުވި ސައުވީސް ގަޑިއިރު، އެ ސަރަހައްދަށް އައުމަށް މިސްރާބު ޖަހާފައިވާ ހަތަރު ބޯޓަކަށް ބަދަރު ކުރުމުގެ ހުއްދަ ދީފާވައި ކަމަށެވެ. އަދި މިވަގުތު ވެސް ބަދަރުކޮށްފައިވާ ހަ ބޯޓުން މުދާތައް ބޭލުމުގެ މަސައްކަތް ކުރަމުންދާ ކަމަށާއި ހަތް ބޯޓެއް ފަޅުން ބޭރުގައި ހުއްދައަށް މަޑު ކޮށްގެން އެބައޮތް ކަމަށެވެ.
ކޯލިޝަނުން ދަނީ ހުދައިދާއަށް އެހީ ފޯރުކޮށްދޭން އަންނަ ބޯޓް ފަހަރުތަކަށް ޔަމަނުގެ ސަރުކާރާއި ހަނގުރާމަ ކުރަމުންދާ ހޫތީން ހުރަސް އަޅަމުންދާ ކަމަށް ބުނަމުންނެވެ. ކޯލިޝަނުން ބުނީ އެހީ ފޯރުކޮށްދޭން އައި "ވޮލަންޓެ" ނަމަކަށް ކިޔާ ބޯޓެއް 39 ދުވަސް ވަންދެން ހޫތީ ހަނގުރާމަ ވެރިން ހިފަހައްޓާފައިވާއިރު "ގްރޭޓް ކޭ" ނަމަކަށް ކިޔާ ބޯޓެއް 69 ދުވަސް ވަންދެން ވަނީ ހިފަހައްޓާފައި ކަމަށެވެ.
