ކ. މާލެ
|
26 ޖޫން 2018 | އަންގާރަ 20:54
ހައްޔަރުކޮށްފައިވާ ފުލުހުން
ހައްޔަރުކޮށްފައިވާ ފުލުހުން
ސީ.އެން.އެން
މެކްސިކޯ އިންތިޚާބު
ކެންޑިޑޭޓަކު މަރާލި މައްސަލައެއްގައި މެކްސިކޯގެ ސިޓީއެއްގެ ހުރިހާ ފުލުހުން ހައްޔަރުކޮށްފި
 
ޖުލައި 1ގެ އިންތިޚާބާ ދިމާކޮށް ހަމަނުޖެހުން ވަނީ ބޮޑުވެފައި
 
ސިޓީގެ ފުލުހުން ހައްޔަރުކުރީ ސްޓޭޓް ފުލުހުން ގޮސް

އަންނަ މަހު 1 ވަނަ ދުވަހު މެކްސިކޯގައި ބާއްވާ އިންތިޚާބުތަކުގައި އޮކަމްޕޯ ޓައުންގެ މޭޔަރު ކަމަށް ވާދަކުރެއްވި ކެންޑިޑޭޓަކު މަރާލި މައްސަލައެއްގައި އެރަށުގެ ހުރިހާ ފުލުހުން ހައްޔަރުކޮށްފިއެވެ.

މެކްސިކޯގެ މިކޮއަކާން ސްޓޭޓްގެ އެޓަރނީ ޖެނެރަލްގެ އޮފީހުން ބުނީ މޭޔަރު ކަމަށް ވާދަކުރެއްވި ފެރްނާންދޯ އެންހެލެސް ހުއާރެޒްގެ މަރުގެ މައްސަލައިގައި އެރަށުގެ 28 ފުލުހުން ހައްޔަރުކުރީ ކެންޑިޑޭޓްގެ މަރަށް ފަހު އެހެން މައްސަލައެއްގައި އެރަށަށް ދިޔަ ސްޓޭޓް ފުލުހުންނަށް އެރަށުގެ ފުލުހުން ހުރަސް އެޅުމުން ކަމަށެވެ. އެހެން މައްސަލައެއްގައި ސްޓޭޓް ފުލުހުން އޮކަމްޕޯއަށް ދިޔުމުން އެރަށުގައި ތިބި ފުލުހުން ވަނީ ވައިގެ ތެރެއަށް ބަޑިޖަހައި، ސްޓޭޓް ފުލުހުންގެ މަސައްކަތަށް ހުރަސް އަޅާފައެވެ. އަދި ކެންޑިޑޭޓްގެ މަރުގެ މައްސަލައިގައި އެމީހުންގެ މައްޗަށް ތުހުމަތުކުރެވޭ ކަމަށް އެޓަރނީ ޖެނެރަލްގެ އޮފީހުން ބުނީ މިމައްސަލަ ތަހުޤީޤުކުރުމަށް ފަހުއެވެ. 

މޭޔަރުކަމަށް ވާދަކުރެއްވި ހުއަރޭޒް މަރާލާފައި ވަނީ މިދިޔަ ބުރާސްފަތި ދުވަހު ހެނދުނު ކާކުކަން ނޭނގޭ މީހަކު ބަޑިން ހަމަލާދީގެންނެވެ. އަދި އޮކަމްޕޯއަށް ސްޓޭޓް ފުލުހުން ދިޔައީ ހޮނިހިރު ދުވަހުއެވެ. ފުލުހުން ހައްޔަރުކޮށްފައި ވަނީ އާދިއްތަ ދުވަހުއެވެ. 

ޖުލައި 1 ގައި މެކްސިކޯގައި ރިޔާސީ އިންތިޚާބުގެ އިތުރުން ފެޑެރަލް، ސްޓޭޓް އަދި މުނިސިޕަލް އިންތިޚާބުތަކެއް ބާއްވާނެއެވެ. 

ހުއަރޭޒްއަކީ މިކޮއަކާންގައި 24 ގަޑިއިރުތެރޭ މަރާލެވުނު ދެ ވަނަ ސިޔާސީ ބޭފުޅާއެވެ. ހުއަރޭޒް މަރާލުމުގެ ކުރިން ބުރާސްފަތި ދުވަހު ހަވީރު އަގުލީލާ ސިޓީގެ މޭޔަރކަމަށް ވާދަކުރި އޮމަރް ގޮމޭޒް ލޮކަތޭރޯގެ ގަޔަށްވެސް ވަނީ ބަޑި ޖަހާ މަރާލާފައެވެ. މެކްސިކޯގެ މިއިންތިޚާބާއި ދިމާކޮށް މިހާތަނަށް 100 އަށްވުރެ ގިނަ ކެންޑިޑޭޓުން ވަނީ މަރާލާފައެވެ. ގޭންގް ހަމަނުޖެހުން ބޮޑު މެކްސިކޯގައި ސިޔާސީ ފަރާތްތައް މެރުމަކީ އާއްމު ކަމެކެވެ. 

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަލީ ޔޫސުފް
10%
10%
20%
0%
10%
50%
ކޮމެންޓް
27 ޖޫން 2018 | ބުދަ 02:25
ކަދުރު
ރާއްޖޭގައިވެސް ތިޔަހެންވާނަމަދެއްތޯ