ފަންނޭ ޚާންގެ ފުރަތަމަ ޓީޒާ ރިލީޒް ކޮށްފި
ފިލްމް ގެ ފުރަތަމަ ޓީޒާ ދައްކަލާފައިވަނީ އަންގާރަ ދުވަހު
ފަންނޭ ޚާން ގެ ފޯސްޓަރ
ލީޑް ރޯލުން އަނިލް ކަޕޫރާއި އައިޝްވަރިޔާ ރާއީގެ އިތުރުން ރާޖްކުމާރު ރާއޯ ފެނިގެން ދާ "ފަންނޭ ޚާން" ގެ ފުރަތަމަ ޓީޒާ ދައްކާލައިފިއެވެ.
އަތުލް މަންޖްރެކަރު ޑައިރެކްޓް ކޮށްފައިވާ މި ފިލްމް ގެ ފުރަތަމަ ޓީޒާ ދައްކަލާފައިވަނީ އަންގާރަ ދުވަހު އެވެ.
އަންނަ އޯގަސްޓް މަހުގެ ތިން ވަނަ ދުވަހު ރިލީޒްކުރާ މި ފިލްމަކީ އަތުލްގެ ފުރަތަމަ ޑައިރެކްޝަނެވެ.
ރާކޭޝް އޯމްކާރާ މެހެރާ ޕްރޮޑިއުސްކުރާ މި ފިލްމުގެ ވާހަކަ ބިނާކޮށްފައި ވަނީ ކާމިޔާބު ލަވަކިޔުންތެރިއަކަށް ވުމުގެ ހުވަފެން ދެކެމުން އަންނަ ޒުވާނެއްގެ ހުވަފެން ހަގީގަތަކަށް ހަދައިދިނުމަށް އޭނާގެ ބައްޕަ ކުރަމުންދާ މަސައްކަތުގެ މައްޗަށެވެ.
މި ފިލްމް ގައި އަނިލް ކަޕޫރު ފެނިގެން ދަނީ އޭނާގެ އަންހެން ދަރިފުޅުގެ ހުވަފެން ހަގީގަތަކަށް ހަދައި ދިނުމަށް މަސައްކަތް ކުރަމުންދާ ބައްޕައެއްގެ ރޯލުންނެވެ.
އައިޝްވަރިޔާ ރާއީ މިފިލްމުން ފެނިގެންދަނީ މިއުޒިކް ސެންސޭޝަނެއްގެ ގޮތުގަ އެވެ. އަދި ރާޖް ކުމާރު ރާއޯ ފެނިގެންދަނީ އައިޝްވަރިޔާ ދެކެ ވަރަށް ގަޔާވެގެން އުޅޭ މީހެއްގެ ގޮތުގައެވެ.
"ފަންނޭ ޚާން" މިފިލްމަކީ 1999 ވަނަ އަހަރު ރިލީޒް ކުރި ފިލްމް "ތާލް" އަށް ފަހު އޭޝް އާއި އަނިލް އެކުގައި ފެނިގެންދާ ފުރަތަމަ ފިލްމަށެވެ.
