ޝިލްޕާ ޝެޓީ މާބަނޑުތަ؟

ބޮލީވުޑްގެ ތަރި ޝިލްޕާ ޝެޓީ ރިޕޯޓްތަކެއް ހިފައިގެން ޑައިގްނޯސްޓިކް ލެބުން ނުކުންނަ ޕޮޓޯއެއް އިންޓަނެޓްގައި ދައުރުވާން ފެށުމުން އޭނާގެ ފޭނުން ދަނީ ޝިލްޕާއަށް ކިހިނެތް ވީތޯ ސުވާލު އުފައްދަމުންނެވެ.

އިންޓަނެޓްގައި މި ފޮޓޯ ދައުރުވަމުން ދާން ފެށުން ޝިލްޕާވަނީ ޓްވިޓާގައި އެއަށް ރައްދު ދީފައެވެ.

ޝިލްޕާ ބުނެފައިވަނީ އޭނާ މާބަނޑު ނޫން ކަމަށާއި އޭނާ ދިއައީ އޭނާގެ ހަށިގަނޑުގެ ބޭރުފުށެކޭ އެއް ގޮތަށް ހަށިގަނޑުގެ އެތެރޭގައިވެސް މައްސަލަ އެއް ނެތްކަން ބެލުމަށް ރެގިއުލާ ހެލްތް ޗެކަޕެއް ހެދުމަށް ކަމަށެވެ.

ފިޓްނަސް އަށް ލޯބި ކުރާ އުމުރުން 43 އަހރުގެ ޝިލްޕާ ޝެޓީ ދާދި ފަހުން ވަނީ އޭނާގެ ދަރިފުޅު ވިއާން ރާޖް ކުންދުރާގެ ހަވަނަ އުފަން ދުވަސް ފާހަގަ ކޮށްފައެވެ.

ޝިލްޕާ އޭނާގެ ފިރިމީހާ، ވިޔަފާރި ވެރިޔާ ރާޖް ކުންދްރާ އާއި ވިއާން އާއި އެކު އޯލްޑް އޭޖް ހޯމް އަކަށް ގޮސް ފޮނި ކާތަކެތި ބަހާ ވީޑިއޯއެއް އިންސްޓަގްރާމް ގައި ޝެއާ ކޮށްފައެވެ.