ރޭސް 3 ގެ ޚާއްސަ ސްކްރީނިންއެއް ދައްކާލައިފި

މިމަހު 15 ގައި ރިލީޒް ކުރުމަށް ހަމަޖެހިފައިވާ ރޭސް 3 ގެ ޚާއްސަ ސްކްރީނިން އެއް ދައްކާލައިފިއެވެ.

ފިލްމް އިންޑަސްޓްރީގެ ފަރާތްތަކަށް މި ފިލްމުގެ ޚާއްސަ ސްކރީނިންއެއް ދައްކާލަފައި ވަނީ މިދިޔަ އަންގާރަ ދުވަހު އެވެ.

މި ފިލްމް ބަލަން ދިޔަ ތަރިންގެ ތެރޭގައި ސަލްމާން ޚާންގެ ކޮއްކޮ ސުހައިލް ޚާން އާއި އަންހެނުން ސީމާ ޚާން އަދި އޭނާގެ ދެ ފިރިހެން ދަރިންނާއި ފިލްމް އުފައްދާ ޑޭވިޑް ދަވަން، ސާޖިދް ނަދިއަވާލާ ހިމެނެއެވެ.

މީގެ އިތުރުން ކްރިކެޓް ކުޅުންތެރިޔާ މަހިންދްރަ ސިންގް ދޯނީ އާއި އޭނާގެ އަންހެނުން ސާކްޝީ ދޯނީ، ޑެވިޑް ދަވަން އަދި ބޮބީ ޑިއޯލްގެ އަންހެނުން ތާންޔާ ޑިއޯލް ހިމެނެއެވެ.

މި ޚާއްސަ ސްކްރީނިން ގައި ފިލްމްގެ ތަރިން ކަމަށްވާ ސަލްމާން ޚާން އާއި ޖެކްލިން ފެނާންޑޭޒް އާއި ބޮބީ ޑިއޯލް، ޑެއިޒީ ޝާހު، ސާޒިބް ސަލީމް އަދި އަނިލް ކަޕޫރު ވަނީ ފެނިގެން ގޮސްފައެވެ.

ރޭސް 3 ރިލީޒް ކުރުމަށް ހަމަޖެހިފައިވަނީ ތްރީ ޑީ ކޮށެވެ.

މި ފިލްމުގެ ފުރަތަމަ ބައި ރިލީޒްކޮށްފައި ވަނީ 2008 ވަނަ އަހަރުއެވެ. "ރޭސް 2" ރިލީޒް ކޮށްފައި ވަނީ 2013 ގައެވެ. މި ދެ ފިލްމްގައި ވެސް ސައިފް އަލީ ޚާން ލީޑް ރޯލުން ފެނިގެން ދިޔަ އިރު މި ފަހަރުގެ ފިލްމުން އޭނާ ފެނިގެން ނުދާނެއެވެ.