ބޮލުން އިސްތަށި ފައިބާ މީހުންނަށް މިއީ ރަނގަޅު ފަރުވާއެއް
އިސްތަށި ފޭބުން ހުއްޓުވުމަށްޓަކައި ގޭގައި ވެސް ފަރުވާ ހޯދިދާނެ
އިސްތަށި ފޭބުމަށް ފަރުވާއެއްް
ބޮލުން އިސްތަށި ފޭބުމަކީ ހުރިހާ އުމުރެއްގެ މީހުންނަށް ވެސް އާންމުކޮށް ދިމާވާ މައްސަލަ އެކެވެ.
އިސްތަށިފޭބުން ހުއްޓުވާ އިސްތަށި ފެޅުން ގިނަ ކުރުމަށްޓަކައި ގޭގައި ވެސް ފަރުވާ ހޯދިދާނެ އެވެ.
ހިކަނދިފަތާއި ކާށިތެޔޮ ބޭނުންކޮށްގެން ގޭގައި ފަސޭހައިން ތައްޔާރު ކޮށްލެވޭނެ ފަރުވާ އެއް ދަންނަވާލާނަމެވެ.
ބޭނުންވާ ތަކެތި:
2 ޖޯޑު ކާށި ތެޔޮ
ކުޑަ ބޯތައްޓެއްގެ ނޮޅާފައި ހުރި ހިކަނދިފަތް
ތައްޔާރުކުރާނެ ގޮތް:
ތެއްޔަކަށް ނުވަތަ ތަވާގެ ތެރެއަށް ކާށިތެޔޮ އަޅާ ތެޔޮފޮދު ހޫނު ކޮށްލާށެވެ.
ތެޔޮފޮދުގެ ތެރެއަށް ހިކަނދިފަތްކޮޅު އަޅާ 10 ނުވަތަ 15 މިނެޓް ވަންދެން ކައްކާލާށެވެ.
އެއަށް ފަހު ތެޔޮފޮދު ހޫނުކަން ކެނޑެންދެން ބަހައްޓާލާށެވެ.
ހޫނުކަން ކެނޑުމުން ފަތްތައް ފުރާނާފައި މި ތެޔޮ ބޭނުން ކުރާށެވެ.
ހަފްތާއަކު ދެ ދުވަހު މި ތެޔޮ ބޭނުންކޮށްގެން އިސްތަށިގަނޑު މަސާޖު ކުރާށެވެ.
