ފިއުލް ސަޕްލައި މޯލްޑިވްސް (އެފްއެސްއެމް)ގެ ފިއުލް ޝެޑެއް ގދ. ތިނަދޫގައި ހުޅުވައިފިއެވެ.

އެސްޓީއޯގެ ސަބްސިޑަރީ ކުންފުންޏެއް ކަމަށްވާ އެފްއެސްއެމް އިން ތިނަދޫގައި ހިންގާ މިފިއުލް ޝެޑް ރަސްމީކޮށް ހުޅުވައިދެއްވީ އެސްޓީއޯގެ މެނޭޖިން ޑިރެކްޓަރު އަހުމަދު ޝަހީރެވެ.

އެސްޓީއޯ އިން ބުނީ ތިނަދޫއަކީ އާބާދީ ބޮޑު ސިޓީއަކަށްވާއިރު މި ޝެޑްގެ ސަބަބުން ރައްޔިތުންނަށް ލުއި ފަސޭހަތައް ލިބޭނެ ކަމަށާއި، މިސެޑް ހުޅުވި މައިގަނޑު ސަބަބަކީ ވެސް ސަރުކާރުގެ އިދާރާތަކާއި ކުންފުނިތަކުގެ ޚިދުމަތް ރައްޔިތުންނަށް އެންމެ ގާތުން ދިނުން ކަމަށެވެ.

ތިނަދޫގައި ހުޅުވި ފިއުލް ޝެޑްގައި 274،500 ލީޓަރު ޑީސަލާއި 17،500 ލީޓަރު ޕެޓްރޯލް ރައްކާ ކުރެވޭނެއެވެ. އަދި މިޝެޑްގައި 3 ޕެޓްރޯލް ޑިސްޕެންސަރު އަދި 1 ޑީސަލް ޑިސްޕެންސަރު ހަރުކުރެވިފައިވާ ކަމަށް ވެސް އެސްޓީއޯއިން މައުލޫމާތުދެ އެވެ.