ރާނީ މުކަރްޖީގެ އެންމެ ފަހު ފިލްމް "ހިޗްކީ" ޝަންހާއީ އިންޓަނޭޝަނަލް ފިލްމް ފެސްޓިވަލް (އެސްއައިއެފްއެފް) ގައި ޕްރިމިއަރ ކުރާ ގޮތަށް ހަމަޖައްސައިފިއެވެ.
މި މަހުގެ 21 ވަނަ ދުވަހު ފަށާ ޝަންހާއީ އިންޓަނޭޝަނަލް ފިލްމް ފެސްޓިވަލްގައި "ދަ ބެލްޓް އެންޑް ރޯޑް ވީކް" ގެ ދަށުން މި ފިލްމް ދައްކަން ހިމެނުމާއި ގުޅިގެން ފިލްމްގެ ޑައިރެކްޓަރ ސިދާތު ޕީ މަލްއުތުރާ ބުނެފައި ވަނީ މިއީ ބޮޑު ފަހުރެއް ކަމަށާއި މި ފިލްމް ހިމަނާފައި ވުމުން އެކަމަށް ޝުކުރުވެރިވާ ކަމަށެވެ. އަދި މި ފެސްޓިވަލްގައި ފިލްމް ޕްރެޒެންޓްކޮށް ދޭން ލިބުމަކީ "ހިޗްކީ"ގެ މުޅި ޓީމަށް ލިބުނު ވަރަށް ބޮޑު އުފަލެއް ކަމަށެވެ.
މާރޗް މަހުގެ 23 ވަނަ ދުވަހު ރިލީޒްކުރި މި ފިލްމުގައި ރާނީ ފެނިގެންދަނީ ދިރިއުޅުމުގައި ދިމާވާ އެތަކެއް އުނދަގޫތަކެއް ކަޑައްތުކޮށް އޭނާ ބޭނުންވާ ކާމިޔާބު ހޯދާ ހިތްވަރުގަދަ އަންހެނެއްގެ ރޯލުންނެވެ. ފިލްމުގައި ރާނީގެ އިތުރުން ހަރަކާތްތެރިވާނީ ސުޕްރިއާ ޕިލްގްއުންކަރް، އާސިފް ބަސްރާ، ކުނާލް ޝިންޑޭ އަދި ޝިވްކުމާރު ސުބްރަމާނިއަމްއެވެ.
"ހިޗްކީ" އަކީ ރާނީގެ ފިރިމީހާ އަދި މަޝްހޫރު ޑައިރެކްޓަރު އަދިތިޔާ ޗޯޕްޅާގެ ފިލްމު ކުންފުނި ޔަޝް ރާޖް ފިލްމްސް އިން އުފައްދާފައިވާ ފިލްމެކެވެ.
މި ފިލްމަކީ ހަތަރު އަހަރުގެ މެދުކެނޑުމަކަށް ފަހު ރާނީ އެނބުރި އައި ފިލްމެވެ.
މި ފެސްޓިވަލް ކުރިއަށް ގެންދިއުމަށް ހަމަޖެހިފައި ވަނީ މި މަހުގެ 25 އާހަމައަށެވެ. މި ފެސްޓިވަލްގައި ދުނިޔޭގެ ވަރަށް ގިނަ ގައުމުތަކުން ވާދަ ކުރާ ގޮތަށް ވަނީ ހަމަޖެހިފައެވެ.
