ސަރުކާރާއި ދެކޮޅަށް ފިޔަވަޅު އެޅުމަށް ބައިނަލްއަޤްވާމީ މުޖްތަމައަށް ޑރ. ޖަމީލް އަނެއްކާވެސް ގޮވާލައްވައިފި
24 މެއި 2018 | ބުރާސްފަތި 08:56ރައީސް އަބްދުﷲ ޔާމީން އެއްވެސް ލަދެއް ނެތި ޤާނޫނު އަސާސީގެ ނިޒާމް ނެތިކޮށްލައިފި
ޑރ. ޖަމީލް އދގެ އެސިސްޓަންޓް ސެކްރެޓަރީ ޖެނެރަލް އާއި މިހަފްތާގައި ބައްދަލުކުރައްވަނީ
ބައިނަލްއަޤްވާމީ މުޢާހަދާތަކާއި އދގެ ނިންމުންތަކަށް ރާއްޖެއިން ތަބާ ނުވާތީ، ދިވެހި ސަރުކާރާ ދެކޮޅަށް ފިޔަވަޅު އެޅުމަށް ބައިނަލްއަޤްވާމީ މުޖްތަމައާއި އދއަށް ކުރީގެ ނައިބު ރައީސް ޑރ. މުހައްމަދު ޖަމީލް އަހުމަދު އަނެއްކާވެސް ގޮވާލައްވައިފިއެވެ.
އިނގިރޭސިވިލާތުގެ ލަންޑަނުގައި ހުންނެވި ޑރ. ޖަމީލް ބުރާސްފަތި ދުވަހު ކުރެއްވި ޓްވީޓެއްގައި ވިދާޅުވީ ރައީސް އަބްދުﷲ ޔާމީން އެއްވެސް ލަދެއް ނެތި ޤާނޫނު އަސާސީގެ ނިޒާމް ނެތިކޮށްލައިފިކަމަށާއި، ކޮމަންވެލްތުން ވަކިވެ، އދގެ އެންގުންތަކަށް ބީރު ކަންފަތެއް ދިނުމުގެ ސަބަބުން ބައިނަލްއަޤްވާމީ މުޖްތަމައުގެ ކުރިމަތީގައި ރާއްޖޭގެ އަގު ވެއްޓިފައިވާކަމަށެވެ.
ބައިނަލްއަޤްވާމީ މުޖްތަމައުން ރައީސް އަބްދުﷲ ޔާމީނާއި ދެކޮޅަށް ފިޔަވަޅު އެޅުމަށް ކުރީގެ ނައިބު ރައީސް ޑރ. ޖަމީލް ގޮވާލެއްވިއިރު، އެމަނިކުފާނުވަނީ މިހަފްތާގައި އދގެ އެސިސްޓަންޓް ސެކްރެޓަރީ ޖެނެރަލް ފޮރ ޕޮލިޓިކަލް އެފެއަރޒް މިރޮސްލާވް ޖެންކާއާއި ނިއުޔޯކްގައި ބައްދަލުކުރައްވައި، މިނިވަން އިންސާފުވެރި އިންތިޚާބަކަށް ހުރަސް އެޅުމަށް ސަރުކާރުން ކޮސްފާނެ ކަންކަމުގެ މައުލޫމާތު އދއަށް އަރުވާފައެވެ. އަދި ރާއްޖޭގައި މިނިވަން އިންސާވެރި އިންތިޚާބެއް ބޭއްވުމަށް މަގުފަހިކޮށް ދިނުމަށް މަސައްކަތްކޮށްދިނުމަށް އދގެ ކިބައިން ޑރ. ޖަމީލް ވަނީ އެދިވަޑައިގެންފައެވެ.
