ހުން ޖެހިގެން ފަރުވާ ހޯދާ މީހުން އިންތިހާއަށް އިތުރުވެއްޖެ، އޭޑީކޭގައި ހާއްސަ ކްލިނިކެއް
24 މެއި 2018 | ބުރާސްފަތި 05:49އެޗްޕީއޭ ވަނީ ރައްކާތެރި ކަމުގެ ފިޔަވަޅުތައް އަޅަން ގޮވާލާފަ
އޭޑީކޭ ހޮސްޕިޓަލްގެ އެތެޜޭގެ މަންޒަރެއް
ވައިރަލް ހުން ޖެހިގެން ފަރުވާ ހޯދާ މީހުންގެ އަދަދު ވަރަށް ބޮޑަށް އިތުރުވެއްޖެ ކަމަށް އޭޑީކޭ ހޮސްޕިޓަލުން ބުނެފިއެވެ.
އޭޑީކޭއިން މިމަހު 23 ވަނަ ދުވަހު ނެރުނު ތަފާސްހިސާބުތަކުން ދައްކާ ގޮތުގައި މިމަހު 21 ވަނަ ދުވަހު ހުން ޖެހިގެން 200 މީހުން ޑޮކްޓަރަށް ދެއްކިއެވެ. އަދި 17 އިން ފެށިގެން ހުން ޖެހިގެން 100 އަށް ވުރެ ގިނަ މީހުން ކޮންމެ ދުވަހަކުވެސް ޑޮކްޓަރަށް ދައްކާފައިވެ އެވެ.
ތަފާސް ހިސާބު ތަކުން ދައްކާ ގޮތުގައި މޭ 1 އިން 10 އާ ހަމައަށް ހުން ޖެހިގެން 550 މީހުން ޑޮކްޓަރަށް ދައްކާފައިވާއިރު، މޭ 11-21 އަކާ ހަމައަށް ހުން ޖެހިގެން 1394 މީހުން ޑޮކްޓަރަށް ދައްކާފައިވާ ކަމަށް އޭޑީކޭން ބުނެ އެވެ.
ހެލްތް ޕްރޮޓެކްޝަން އޭޖެންސީއިން (އެޗްޕީއޭ) އިން ވަނީ ހުމާއި ރޯގާ ފެތުރެމުންދާތީ ހޮސްޕިޓަލަށް ދާން ކޮންމެހެން ޖެހިގެން ނޫނީ ނުދިޔުމަށް އިލްތިމާސް ކޮށްފައެވެ.
ވައިރަލް ހުން ފެތުރެމުން ދާތީ އޭޑީކޭ ހޮސްޕިޓަލުން ވަނީ ޚާއްސަ ކްލިނިކް ހުޅުވައިފަ އެވެ. މި ކްލިނިކް ކޮންމެ ދުވަހެއްގެ މެންދުރު 2:00 އިން ރޭގަނޑު 12:00 އަށް ހުޅުވިފައި ހުންނާނެ ކަމަށް އޭޑީކޭއިން ބުނެ އެވެެ.
