ފިތުރު ޒަކާތް ބަލައިގަތުމުގެ އިންތިޒާމްތައް

މާލެއާއި އަތޮޅުތެރޭގައި ފިޠުރު ޒަކާތް ބަލައިގަތުމުގެ އިންތިޒާމުތައް އިސްލާމިކް މިނިސްޓްރީން ވަނީ ހަމަޖައްސާފައެވެ.

ރަށްރަށުގައި ޒަކާތް ދެއްކުން

Advertisement

ރަށްރަށުގައި ޒަކާތް ބަލައިގަންނާނީ އެރަށެއްގެ ރަށު ކައުންސިލް އިދާރާއިންނެވެ.

ޒަކާތް ބަލައިގަންނަ މުއްދަތު

ޒަކާތް ބަލައިގަތުމަށް ހަމަޖެހިފައި ވަނީ ރޯދަ މަހުގެ 05 ވަނަ ދުވަހުން (20 މެއި 2018) ފެށިގެން ރޯދަ މަހުގެ 29 (13 ޖޫން 2018) ވާ ބުދަ ދުވަހުގެ ނިޔަލަށެވެ.

ޒަކާތް ބަލައިގަންނަ ގަޑިތައް

ޒަކާތް ބަލައިގަންނާނީ ހެނދުނު 10:30 ން މެންދުރު 13:00 އަށެވެ.

މާލެ ސިޓީގައި ޒަކާތް ބަލައިގަންނަ ތަންތަން

• އިސްލާމީ މަރުކަޒު
• ހުޅުމާލެ، ކޮމިއުނިޓީ ސެންޓަރ 03 ވަނަ ފަންގިފިލާ
• ވިލިމާލެ، މިނިސްޓްރީ އޮފް ހައުސިންގ އެންޑް އިންފްރާ ސްޓްރަކްޗަރގެ ވިލިމާލެ ޔުނިޓު

ފިތުރު ޒަކާތުގެ ގޮތުގައި ދައްކަން ޖެހޭ މިންވަރު

ފިޠުރު ޒަކާތުގެ މިންވަރަކީ މީހަކަށް 2.4 ކިލޯ ހަނޑުލުގެ މިންވަރެވެ. ޒަކާތް ނެރެންވާނީ އެބަޔަކު އަހަރުތެރޭގައި ޢާއްމުކޮށް ކައިއުޅުނު ހަނޑުލުގެ ބާވަތަކުން 2.4 ކިލޯ ހަނޑުލުގެ އަގަށްވާ މިންވަރެވެ. މާލެސިޓީގައި ފިޠުރު ޒަކާތް ބަލައިގަތުމަށް ހަމަޖެހިފައިވާ އަގު ތަކަކީ:

• އާދައިގެ ހަނޑުލުން ނަމަ މީހަކަށް -/13 ރ
• ތައިލެންޑު ހަނޑުލުން ނަމަ މީހަކަށް -/43 ރ
• ބާސްމަތީ ހަނޑުލުން ނަމަ މީހަކަށް -/81 ރ

ޒަކާތް ދެއްކޭ އެހެން ގޮތްގޮތް

އެސް.އެމް.އެސް މެދުވެރިކޮށް ދިރާގު އަދި އޫރިދޫއިން ޒަކާތް ދެއްކޭނެ އިންތިޒާމް ވަނީ ހަމަޖެހިފައެވެ. އަދި، އިސްލާމިކް ބޭންކާއި، ބޭންކް އޮފް މޯލްޑިވްސް މެދުވެރިކޮށް ވެސް ޒަކާތް ދެއްކޭނެ އިންތިޒާމު ވަނީ ހަމަޖެހިފައެވެ.

ގދ. ތިނަދޫ

ޒަކާތް ބަލައިގަތުން އޮންނާނީ ކޮންމެ ރަސްމީ ދުވަހެއްގެ ހެނދުނު 10:30 އިން މެންދުރު 13:00 އަށް ގދ. ތިނަދޫ މީޑިއާ ސެންޓަރުގައެވެ.

• އާދައިގެ ހަނޑުލުންނަމަ މީހަކަށް 12.50/- ރ
• ތައިލެންޑް ހަނޑުލުންނަމަ މީހަކަށް 43/- ރ
• ބާސްމަތީ ހަނޑުލުންނަމަ މީހަކަށް 84/-ރ

ފުވައްމުލައް ސިޓީ

ޒަކާތް ބަލައިގަތުން އޮންނާނީ ރަސްމީ ކޮންމެ ދުވަހެއްގެ ހެނދުނު 10:30 އިން މެންދުރު 13:00 އަށް ފުވައްމުލަކު ލޭންޑް ބިލްޑިންގ އެންޑް މުނިސިޕަލް ސަރވިސް ޑިޕާރޓްމެންޓްގެ އުތުރު، މެދު އަދި ދެކުނު ދާއިރާތަކުގެ އޮފީހުގައެވެ.

• އާދައިގެ ހަނޑުލުންނަމަ މީހަކަށް 13/- ރ
• ތައިލެންޑް ހަނޑުލުންނަމަ މީހަކަށް 42/- ރ
• ބާސްމަތީ ހަނޑުލުންނަމަ މީހަކަށް 72/-ރ

އައްޑޫ ސިޓީ

ރަސްމީ ކޮންމެ ދުވަހެއްގެ ހެނދުނު 10:30 އިން މެންދުރު 13:00 އަށް ތިރީގައި މިވާ ތަންތަނުން އައްޑޫ ސިޓީގައި ފިޠުރު ޒަކާތް ބަލައިގަތުމަށް ހަމަޖެހިފައިވެއެވެ.

ސ.ހިތަދޫ – މިނިސްޓްރީ އޮފް އިސްލާމިކް އެފެއާޒް، އައްޑޫސިޓީ ޔުނިޓް

ސ.މަރަދޫ/ސ.މަރަދޫފޭދޫ – ތަދްރީސުލް ޤުރުއާން

ސ.ފޭދޫ – ލޭންޑް، ބިލްޑިންގް އެންޑް މުނިސިޕަލް ސާރވިސް ޑިޕާރޓްމަންޓް

ސ.ހުޅުދޫ/ސ.މީދޫ – ނަސްރިއްޔާ ޕްރީސްކޫލް

• އާދައިގެ ހަނޑުލުންނަމަ މީހަކަށް 13.50/- ރ
• ތައިލެންޑް ހަނޑުލުންނަމަ މީހަކަށް 35/- ރ
• ބާސްމަތީ ހަނޑުލުންނަމަ މީހަކަށް 78/-ރ