އާރޓިފިޝަލް ބީޗް ތަރައްގީކުރަން 13 މިލިއަން ރުފިޔާއަށް އެމްޓީސީސީއާ ހަވާލުކޮށްފި
16 މެއި 2018 | ބުދަ 13:14ތަރަށްގީކޮށް ނިމޭއިރު އައުޓްޑޯ ޖިމް ހުންނާނެ
އާރޓިފިޝަލް ބީޗް ސަރަހައްދުގައި މަސައްކަތް ކުރިޔަށް ދަނީ
މާލޭގެ އިރުމަތީ ފަރާތުގައި އޮންނަ އާރޓިފިޝަލް ބީޗް ސަރަހައްދު ޒަމާނީ ފެންވަރަށް ތަރައްގީކުރުމަށް 13 މިލިއަން ރުފިޔާއަށް އެމްޓީސީސީ އާ ހަވާލުކޮށްފިއެވެ.
އާރޓިފިޝަލް ބީޗް ތަރައްގީ ކުރުމުގެ އެ އެއްބަސްވުމުގައި ހައުސިން މިނިސްޓްރީގެ ފަރާތުން ސޮއިކުރެއްވީ މިނިސްޓަރު ޑރ. މުހައްމަދު މުއިއްޒެވެ. އެމްޓީސިސީގެ ފަރާތުން އެއްބަސްވުމުގައި ސޮއިކުރެއްވީ އެ ކުންފުނީގެ ސީއީއޯ އިބްރާހިމް ޒިޔަތެވެ. ހައުސިން މިނިސްޓްރީން ބުނި ގޮތުގައި އާރޓިފިޝަލް ބީޗް ތަރައްގީ ކުރުމަށް އެމްޓީސީސީއާ ހަވާލުކޮށްފައިވަނީ 13.7 މިލިއަން ރުފިޔާ އަށެވެ. އަދި މި މަޝްރޫއު ފަސް މަސް ދުވަހުގެ ތެރޭގައި ނިންމަންޖެހޭ ކަމަށްވެސް އެ އެއްބަސްވުމުގައި ވެއެވެ. ހައުސިންގ މިނިސްޓްރީން ބުނިގޮތުގައި އެ މަޝްރޫއަކީ ސަރުކާރުގެ ބަޖެޓުން 10 މިލިއަން ރުފިޔާ އަދި އެމްޓީސީސީގެ ސީއެސްއާރު ޕްރޮޖެކްޓުގެ ދަށުން ތިން މިލިއަނަށްވުރެ ގިނަ ރުފިޔާ ޚަރަދު ކުރުމަށް ރާވާފައިވާ މަޝްރޫއެކެވެ. އެ މަޝްރޫއުގެ ދަށުން އާޓިފިޝަލް ބީޗް ސަރަހައްދު ޒަމާނީ ފެންވަރަށް ތަރައްގީކޮށް ނިމޭއިރު، އެ ސަރަހައްދުގައި އައުޓް ޑޯ ޖިމަކާއި ފެންވަރަން ބޭނުންވާ ވަސީލަތްތަކާއި ކެފޭތައް ވެސް ހުންނާނެ ކަމަށް ވެއެވެ.
