މެއި މަހުގެ 11 ގައި ސިނަމާތަކަށް އަންނަ އާލިއާ ބަޓްގެ އެންމެ ފަހުގެ ފިލްމު ރާޒީ ޕާކިސްތާނުގައި ދެއްކުން މަނާ ކޮށްފިއެވެ.
މި ފިލްމު ޕާކިސްތާނުގައި ދެއްކުން މަނާ ކޮށްފައިވަނީ ފިލްމުގައި އެގައުމު ނުރަނގަޅު ގޮތަކަށް ދައްކާފައިވާކަމަށް ބުނެއެވެ. ޕާކިސްތާނުގެ ސެންސަރު ބޯޑުން ނިންމި މި ނިންމުގައި ވަނީ ޕާކިސްތާނު އެފިލްމުގައި ދައްކުވައިދީފައިވަނީ ރަނގަޅުގޮތަކަށް ނޫންކަމަށްވުމުން އެ ފިލްމު އެގައުމުގައި ދެއްކުން މަނާ ކޮށްފައިކަމަށެވެ.
ރާޒީ ބިނާކޮށްފައި ވަނީ އިންޑިއާގެ ލިޔުންތެރިޔާ ހަރިންދްރަ އެސް. ސިންގް 2008 ގައި ނެރުނު ވާހަކަ ކޯލިން ސެހެމަތު އަށެވެ. ފިލްމުގައި އާލިއާގެ ބައްޕަގެ އެދުމަށް ޖާސޫސުކުރުމަށް އޭނާ ވިކީ ކޯޝަލްއާ ކައިވެނި ކުރެއެވެ. އޭނާއަކީ ޕާކިސްތާނުގެ މިލިޓަރީ އޮފިސަރެކެވެ. އާލިއާ ފެނިގެންދަނީ ޕާކިސްތާނުގެ ސިފައިންގެ މީހަކާ ކައިވެނިކޮށްގެން އުޅޭ ކަޝްމީރުގެ އަންހެނެއްގެ ރޯލެވެ. އާލިއާއަކީ އިންޑިއާގެ ޖާސޫސީ އިދާރާގެ ޖާސޫސެކެވެ. މި ފިލްމަކީ 1970ގެ އަހަރުތަކުގެ ތެރޭގައި ހިނގި ހަގީގީ ހާދިސާއެއްގެ މައްޗަށް ބިނާކޮށް ގެނެސްދޭ ފިލްމެކެވެ. އާލިއާގެ މަންމަގެ ރޯލު މި ފިލްމުން ފެނިގެންދަނީ އޭނާގެ އަސްލު މަންމަ ސޯނީ ރަޒްދާނެވެ.
