އަންގާރަ 16 ޖުލައި 2019
02 ފުސް
1440 ޒުލްގައިދާ 13
ފަތިސް 04:43
އިރުއަރާ 06:00
މެންދުރު 12:16
އަސްރު 15:38
މަޣްރިބް 18:24
އިޝާ 19:41
ލުއި ޚަބަރު - ބޮލީވުޑް

ޖަޔަޕޫރަށް ދެން ނުދާނެ ކަމަށް ބަންސާލީ ބުނެފި

  • ޖަޔަޕޫރުގައި ނަގަމުންދިޔަ "ޕަދްމާވަތީ" ގެ ޝޫޓިން ކެންސަލްކުރުން
  • ތާޜީހް އޮޅުވާލައިގެން ފިލްމް އުފައްދަން ފުރުސަތު ނުދޭނެ ކަމަށް އެކްޓިވިސްޓުން ވަނީ ބުނެފަ

އަޒްލިފާ އަބްދުﷲ
AzuAzlifa

ކ. މާލެ 30 ޖެނުއަރީ 2017 | ހޯމަ 16:27 1,456

ޖަޔަޕޫރުގުގައި ހުންނަ "ޕަދްމާވަތީ" ގެ ސެޓަށް ބަޔަކު ވަދެ ހަމަ ނުޖެހުން ހިންގުން - ގޫގުލް

ޖަޔަޕޫރުގުގައި ހުންނަ "ޕަދްމާވަތީ" ގެ ސެޓަށް ބަޔަކު ވަދެ ހަމަ ނުޖެހުން ހިންގައި، ފިލްމުގެ ޑައިރެކްޓަރު ސަންޖޭ ލީލާ ބަންސާލީއަށް ހަމަލާ ދިނުމުގެ ސަބަބުން ދެން ދުވަހަކު ވެސް އެތަނަށް ނުދާން އޭނާ ނިންމައިފިއެވެ.

 

ބަންސާލީ ނެރެފައިވާ ބަޔާނުގައި ބުނެފައިވަނީ ޖަޔަޕޫރުގައި ނަގަމުންދިޔަ "ޕަދްމާވަތީ"ގެ ޝޫޓިން ކެންސަލް ކޮށްފައިވާ ކަމަށާއި ދެން ދުވަހަކު ވެސް ޖަޔަޕޫރަށް ނުދާނެ ކަމަށެވެ.


ޖެއިޕޫރަށް ނިސްބަތްވާ ޕާޓީ "ކާނި ސެނާގެ" ބައެއް ސަޕޯޓަރުންނާއި މެމްބަރުން ފިލްމުގެ ސެޓް ހަދާފައި ހުރި ޖައިގާ ފޯޓަށް ގޮސް ހަޑި ހުތުރު ބަހުން މުއާމަލާތްކޮށް ހަމަނުޖެހުން ހިންގާ ފިލްމްގެ ޝޫޓިން ހުއްޓުވާފައިވަނީ ބަންސާލީ މީގެ ކުރިން ވެސް ރާޖުޕޫތުގެ ތާރީހް އޮޅުވާލައިގެން ފިލްމް އުފައްދާފައިވާ ކަމަށް ބުނެއެވެ. އަދި މިފަހަރު ފިލްމް އުފެއްދުމުގެ ކުރިން ސްކްރިޕްޓް ދައްކަން ބުނެފައިވާނެ ކަމަށް ބުނި ނަމަވެސް ބަންސަލީ ސްކްރިޕްޓް ދައްކާފައި ނުވާ ކަމަށާއި ތާޜީހް އޮޅުވާލައިގެން ފިލްމް އުފައްދަން ފުރުސަތު ނުދޭނެ ކަމަށް އެކްޓިވިސްޓުން ވަނީ ބުނެފައެވެ.

 

އެކްޓިވިސްޓުން ބުނެފައިވަނީ އެމީހުންގެ އަތުގައި ހުރި ފޮތްތަކުގައި ރާނީ ޕަދްމިނީ އާއި އަލާއުއްދީން ހިލްޖީގެ ލޯބީގެ ވާހަކަތަކެއް ނެތް ކަމަށެވެ. ނަމަވެސް ބަންސާލީގެ ފިލްމުގައި އެފަދަ ލޯބީގެ މަންޒަރުތަކެއް ހިމަނާކަމަށެވެ.

 

ބަންސާލީގެ ބަޔާނުގައި ބުނެފައިވަނީ އެކްޓިވިސްޓުން އެބުނާ ކަހަލަ ރާނީ ޕަދްމަވަތީ އާއި އަލާއުއްދީން ހިލްޖީގެ މަންޒަރެއް އެއީ ހުވަފެނީ މަންޒަރެއް ވިޔަސް ނުހިމެނޭ ކަމަށެވެ. އަދި އެމީހުން އެނާއަށް ގެއްލުން ދިނީ ހީވާ ހީވުމަކަށް ބަޔަކު ދެއްކި ވާހަކއެއް ގަބޫލު ކޮށްގެން ކަމަށް ބަޔާނުގައި ވެއެވެ.

 

ތާރީޚީ ލޯބީގެ ވާހަކައެއްގެ މައްޗަށް ބަންސާލީ އުފައްދަމުން އަންނަ މި ފިލްމުގެ ޝޫޓިންގައި ފިލްމްގެ ކުރޫއާ އެކު ހުކުރު ދުވަހު ޖެއިޕޫރުގައި އޭނާ ހަރަކާތްތެރިވަމުން ދަނިކޮށް ޖެއިޕޫރަށް ނިސްބަތްވާ ޕާޓީ "ކާނި ސެނާގެ" ބައެއް ސަޕޯޓަރުންނާއި މެމްބަރުން ފިލްމުގެ ސެޓް ހަދާފައި ހުރި ޖައިގާ ފޯޓަށް ގޮސް ހަޑި ހުތުރު ބަހުން މުއާމަލާތްކޮށް ހަމަނުޖެހުން ހިންގުމާ ގުޅިގެން ފިލްމުގެ މަސައްކަތް މެދު ކނޑާލާ ބަންސާލީ ވަނީ މުމްބައީ އަށް ގޮސްފައެވެ.

 

ކާނި ސެނާ ޕާޓީގެ އެކްޓިވިސްޓެއް ކަމަށްވާ ވިކްރަމް ސިންހަ އިންޑިއާގެ ނޫސްތަކަށް ދިން އިންޓަވިއުގައި ބުނެފައި ވަނީ އެ ފިލްމުގައި ރާނީ ޕަދްމިނީއާ ގުޅޭ ގޮތުން ގެނެސްދީފައި ވަނީ ދޮގު މައުލޫމާތު ކަމަށާއި އެޕާޓީން މުޒާހަރާ ކުރަމުން ދަނީ ތާރީޚީ ގޮތުން ދޮގު މައުލޫމާތު ގެނެސްދޭތީ ކަމަށެވެ.

 

އެންމެ ފުރަތަމަ ވެސް ބަންސާލީގެ މި ފިލްމަކީ ޗިޓޯރުގެ ރަސްކަލުން ރަތަންސޭންގެ އަނބިކަނބަލުން ރާނީ ޕަދްމިނީ (ޕަދްމާވަތީ) ގެ ހަޔާތުގެ އަސްލަކަށް ބަލައިގެން އުފައްދާ ފިލްމެއް ކަން ހާމަ ކުރުމާ އެކު ރާޖަސްތާނަށް ނިސްބަތްވާ ޕަޓޭލް ނަވްނިރްމަ ޕާޓީން ވަނީ މި ފިލްމުގައި ރާނީ ޕަދްމިނީގެ ހަޔާތާ ގުޅޭ ގޮތުން ދޮގު މައުލޫމާތު ހިމެނޭ ނަމަ ފިލްމް އެއްވެސް ތަނެއްގައި ރިލީޒްވިޔަ ނުދޭނެ ކަމަށް ބުނެ އިންޒާރު ދީފައެވެ.

 

ފުލުހުން ވަނީ ސެޓަށް ވަދެ ހަމަނުޖެހުން ހިންގި މީހުން ހައްޔަރުކޮށްފައެވެ. އަދި ބަންސާލީ އާއި "ޕަދްމާވަތީ"ގެ ޓީމަށް ފުލުހުން ސަލާމަތްތެރިކަން ދީފައި ވާކަމަށް މީޑިއާ ރިޕޯޓްތައް ބުނެއެވެ.

 

ސޯޝަލް މީޑީއާގައި ދައުރުވަމުން އަންނަ ވީޑިއޯއިން ފެންނަ ގޮތުގައި "ޕަދްމާވަތީ" ސެޓަށް ވަދެ ކާނި ސެނާ ޕާޓީގެ މެންބަރުން ވަނީ ފިލްމް ޝޫޓިންގައި ބޭނުންކުރަމުންދިޔަ ކެމެރާތަކާއި އެހެނިހެން އަގުބޮޑަތި ސާމާނުތައް ހަލާކުކޮށްފައެވެ. އަދި މުޒާހަރާ ކުރި މީހުންގެ ކިބައިން ބަންސާލީ ސަލާމަތް ކުރަން ފިލްމް ކުރޫއިން މަސައްކަތް ކުރި ނަމަވެސް ބަނަސާލީގެ ކަންފަތް މަތީގައި ޖަހާ ބޮލުގެ އިސްތަށިގަނޑަށް ދަމާ ތަން ވެސް އެވީޑިއޯއިން ފެނެއެވެ.

 

މިހަމަނުޖެހުން ހިންގިއިރު އެފިލްމުގައި ލީޑު ރޯލް އަދާކުރާ ދީޕިކާ ޕަދުކޯން އާއި ރަންވީރު ސިންގް އަދި ޝާހިދް ކަޕޫރު އެވަގުތު ފިލްމް ސެޓްގައި ނެތް ކަމަށް މީޑިއާ ރިޕޯޓްތައް ބުނެއެވެ.

 

ކާނި ސެނާ ޕާޓީގެ އެކްޓިވިސްޓުން "ޕަދްމާވަތީ"ގެ ސެޓަށް ވަދެ ހަމަނުޖެހުން ހިންގި މި މައްސަލަ ބޮލީވޫޑްގެ ގިނަ ފަރާތްތަކުން ވަނީ ކުށްވެރިކޮށްފައެވެ.

އެންމެ ފަހުން އަޕްޑޭޓް ކުރީ: 2 ހަފްތާކުރިން | ރިވިއު ކުރީ: އަލީ ޔޫސުފް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް