އެވެންޖާސް: އިންފިނިޓީ ވޯ އަށް 11 ދުވަހުން އެއްބިލިއަން

މާވެލްގެ އެވެންޖަރސް: އިންފިނިޓީ ވޯ އަށް 11 ދުވަހުން އެއްބިލިއަން ޑޮލަރު ލިބި ސްޓާ ވޯޒް: ދަ ފޯސް އެވޭކެންސް ގެ ރެކޯޑް މުގުރާލައިފިއެވެ.

ސްޓާ ވޯޒް: ދަ ފޯސް އެވޭކެންސް ސިނަމާތަކަށް އައިސްފައިވަނީ 2016 ވަނަ އަހަރުގައެވެ. އެގިލްމަށް އެއްބިލިއަން އެމެރިކާ ޑޮލަރު ލިބިފައިވަނީ 12 ދުވަހުގެ ތެރޭގައެވެ. އެހެން ނަމަވެސް މާވެލްގެ އެވެންޖަރސް: އިންފިނިޓީ ވޯ އެ ރެކޯޑު މުގުރާލާފައިވަނީ 11 ދުވަހުންނެވެ.

މިހާތަނަށް ރިލީޒް ކޮށްފައިވާ ފިލްމް ޓްރެއިލާތަކުގެ ތެރެއިން އެއް ދުވަސްތެރޭ އެންމެ ގިނަ މީހުން ބެލި ފިލްމް ޓްރެއިލާގެ ރެކޯޑުވެސް މި ފިލްމަށް ވަނީ ލިބިފައެވެ. މި ފިލްމްގެ ޓްރެއިލާ ރިލީސްކުރިތާ 24 ގަޑިއިރު ނުވަނީސް 200 މިލިއަނަށް ވުރެ ގިނަ މީހުންވަނީ މި ޓްރެއިލާ ބަލާފައެވެ.

މިދިޔަ މަހުގެ 27 ގައި ރިލީޒް ކުރި މި ފިލްމަކީ މާވެލް އާއި ޑިޒްނީ ގުޅިގެން 300-400 މިލިއަން ޑޮލަރުގެ ދެމެދުގެ ބަޖެޓަކުން ހެދި ފިލްމެކެވެ. ފިލްމު ޑައިރެކްޓް ކޮށްފައިވަނީ އެންތަނީ އާއި ޖޯއީ ރުސޯ އެވެ.

މި ފިލްމްގެ ކާސްޓުންގެ ތެރޭގައި ކްރިސް ހެމްސްވޯތު (ތޯ)، ރޮބަޓް ޑައުނީ ޖޫނިއާ (އަޔަން މޭން)، މާކް ރަފަލޯ (ހަލްކް)، ކްރިސް އެވަންސް (ކެޕްޓަން އެމެރިކާ)، ޓޮމް ހޮލަންޑް (ސްޕައިޑަ މޭން)، ބެނެޑިކްޓް ކަމްބަބެޗް (ޑރ. ސްޓްރޭންޖް)، ޗާޑް ބޯޒްމަން (ބްލެކް ޕެންތާ) އަދި ސްކާލެޓް ޖޮހަންސަން (ބްލެކް ވިޑޯ) ހިމެނެއެވެ.

މި އަހަރުގެ މިހާތަނަށް ރިލީޒް ކުރި ފިލްމްތަކުގެ ބިލިއަން ޑޮލަރުގެ އާމްދަނީއެއް ހޯދާފައި ވަނީ ފެބްރުއަރީ މަހު ރިލީޒް ކުރި ބްލެކް ޕެންތާ އެވެ.