"ސީކްރެޓް ސުޕަސްޓަރ": އެއްދުވަހުން 4 ކުރޯޑް ރުޕީސް ލިބޭނެ!

"ޑަންގަލް" ގެ ކާމިޔާބީއަށް ފަހު މިމަހުގެ 19 ވަނަ ދުވަހު ސިނަމާތަކަށް އަންނަ ފިލްމު "ސީކްރެޓް ސުޕަސްޓަރ" އަށް އެއްދުވަހުން 4 ކްރޯޑް ރުޕީސް ލިބޭނެ ކަމަށް އެނަލިސްޓުން ބުނެފިއެވެ.

މި ފިލްމުގެ ޓްރެއިލާ އާންމު ކޮށްފައިވަނީ އޮގަސްޓު މަހުގެ ތެރޭގައެވެ. ޓްރެއިލާއިން ފެންނަނީ އަންހެން ކުއްޖަކު ލަވަ ކިޔަން ބޭނުންވެފައި ހުރިލެއް ބޮޑުކަމުން އޭނާ އެކަން ހާސިލު ކުރުމަށް ދިމާވާ ގޮންޖެހުންތަކާއިއެކު ކުރާ މަސައްކަތްތަކެވެ. މި ފިލްމުގައި ލީޑު ރޯލުން ފެނިގެންދާ އަންހެން ކުއްޖަކީ އާމިރުގެ "ޑަންގަލް" އިން އޭނާގެ ދަރިއެއްގެ ރޯލު ކުޅުނު ޒާއިރާ ވަސީމްއެވެ.

މި ފިލްމު 1100 ސްކްރީނުގައި ވަނީ އަޅުވަން ނިންމާފައެވެ. މި ފިލްމުގެ ޑައިރެކްޓަރަކީ އަދަވައިތު ޗަންދަން އެވެ.

އާމިރު ޚާން މީގެ ކުރިން ވަނީ ސީކްރެޓް ސުޕަސްޓާގައި ބޮލީވުޑްގެ އެތަކެއް ފަންނާނުންނެއް ފެނިގެންދާނެ ކަމަށް ބުނެފައެވެ.

އާމިރުގެ "ޑަންގަލް" އަށް ވަނީ ރެކޯޑް ބްރޭކިން އަދަދެއްގެ ފައިދާތަކެއް ލިބިފައެވެ. އެހެން ކަމުން އޭނާގެ" ސީކްރެޓް ސުޕަސްޓާ" ވެސް އެކޯޑް ބްރޭކް ނުކުރެވުމަކީ ނުވާނެ ކަމެއް ނޫން ކަމަށް އެނަލިސްޓުން ބުނެއެވެ.