އޯއައިސީ ގެ ސެކްރެޓަރީ ޖެނެރަލް ރާއްޖެ ވަޑައިގެންފި
1 މެއި 2018 | އަންގާރަ 07:26ސެކްރެޓަރީ ޖެނެރަލް ރައީސް ޔާމީނާ ބައްދަލުކުރައްވާނެ
އޯއަިއސީގެ ސެކްރެޓަރީ ޖެނެރަލް ޑރ. އުތައިމީން އަށް ފޮރިން ސެކްރެޓަރީ މަރުހަބާ ދަންނަވަނީ
އިސްލާމީ ޤައުމުތަކުގެ ޖަމިއްޔާ، އޯގަނައިޒޭޝަން ފޮރ އިސްލާމިކް ކޯޕަރޭޝަން (އޯއައިސީ)ގެ ސެކްރެޓަރީ ޖެނެރަލް ޑރ. ޔޫސުފް ބިން އަޙްމަދު އަލްއުތައިމީން ރާއްޖެއަށް ވަޑައިގެންފިއެވެ.
އަންގާރަ ދުވަހު ހެނދުނު ޑރ. އުތައިމީން ރާއްޖެއަށް ވަޑައިގަތުމުން އެއަރޕޯޓުން އެމަނިކުފާނަށް މަރުހަބާ ދެންނެވީ ފޮރިން ސެކްރެޓަރީ އަހުމަދު ސަރީރެވެ.
ޑރ. އުތައިމީންގެ ދެ ދުވަހުގެ މި ރަސްމީ ދަތުރުފުޅުގައި ރައީސް އަބްދުﷲ ޔާމީނާއި ޚާރިޖީ ވަޒީރު ޑރ. މުހައްމަދު އާސިމްގެ އިތުރުން ސަރުކާރުގެ އެހެން ބައެއް އިސްވެރިންނާ ބައްދަލުކުރައްވާނެ ކަމަށް ޚާރިޖީ ވުޒާރާ އިން ބުނެއެވެ. މީގެ އިތުރުން ޤައުމީ ޔުނިވަރސިޓީގައި ދަރިވަރުންނަށާއި މުވައްޒަފުންނަށް ތަޤުރީރެއް ދެއްވުމަށްވެސް ހަމަޖެހިފައިވާ ކަމަށް ޚާރިޖިއްޔާ އިން ބުނެއެވެ.
ޑރ. އުތައިމީންގެ އަރިހުގައި އޯއައިސީގެ މުސްލިމް ކަންޓްރީސް ޑިޕާޓްމަންޓްގެ ވެރިޔާ ޑރ. ހަސަން އާބިދީން ވެސް ރާއްޖެއަށް ވަޑައިގަތެވެ.
