އައިޖީއެމް ހޮސްޕިޓަލްގެ ކާޑިއެކް ސެންޓަރުގެ ގޮނޑިތަކުގައި މަކުނު އަޅާފައި!
އައިޖީއެމް ހޮސްޕިޓަލްގެ ކާޑިއެކް ސެންޓަރު ހިންގަނީ އިންޑިއާގެ މެޑިޓްރިނާ ހޮސްޕިޓަލާއި ގުޅިގެން
އައިޖީއެމް ހޮސްޕިޓަލްގެ ކާޑިއެކް ސެންޓަރުގެ ގޮނޑިތަކުގައި މަކުނު އަޅާފައި
އައިޖީއެމް ހޮސްޕިޓަލްގެ ކާޑިއެކް ސެންޓަރުގެ ގޮނޑިތަކުގައި މަކުނު އަޅާފައިކަން ހާމަވެއްޖެއެވެ.
އެތަނުން ފަރުވާ ހޯދަމުން އަންނަ ހާޓް ޕޭޝަންޓެއްގެ އާއިލާ އިން ރާއްޖެއެމްވީއަށް މައުލޫމާތު ހިއްސާ ކުރަމުން ބުނީ އެތަނުގެ ގިނަ ގޮނޑިތަކެއްގައި ތައްމަކުނު އަޅާފައިވާ ކަމަށާއި މަކުނު ހަފައިގެން އެތަނުގެ އިސްވެރިންނަށް އެ ޝަކުވާ ހުށައަޅާފައި ވާނެ ކަމަށެވެ.
ގޮނޑިތަކުގައި ތައްމަކުނު ދުވާ ފޮޓޯ އާއި ވީޑިއޯ ވެސް ރާއްޖެއެމްވީއަށް ލިބިފައިވާއިރު، މީގެ ކުރިން ވެސް އެ ހޮސްޕިޓަލްގެ ބައެއް ވޯޑްތަކުގައި ބުޅާ ވެސް އަދި މީދާ ވެސް އުޅޭކަމުގެ ޝަކުވާ އާއްމުން ވެފައި ވެއެވެ. އަދި އެފަދަ ފޮޓޯތައް ސޯޝަލް މީޑިއާގައި ދައުރު ވެސް ވިއެވެ.
އައިޖީއެމް ހޮސްޕިޓަލްގެ ކާޑިއެކް ސެންޓަރުގެ ގޮނޑިއެއް
މި ކަމާ ގުޅޭ ގޮތުން އައިޖީއެމް ހޮސްޕިޓަލްގެ މީޑިއާ ޑިޕާޓްމަންޓްގެ ޑިރެކްޓަރު އަހުމަދު މައުސޫމް ވިދާޅުވީ، އެފަދަ ކަމެއް ހިނގާފައި ވާނަމަ އެކަން ބަލައި ޕެސްޓްކޮންޓްރޯލް ޓީމުން އެކަން ރަނގަޅުކުރާނެ ކަމަށެެވެ.
އައިޖީއެމް ހޮސްޕިޓަލްގެ ކާޑިއެކް ސެންޓަރު ހިންގަނީ އިންޑިއާގެ މެޑިޓްރިނާ ހޮސްޕޓަލާ ގުޅިގެންނެވެ.
