މޫނަށް ޕެޕަސްޕްރޭ ޖަހައި އެއް މިލިއަން ރުފިޔާ ފޭރުނު މައްސަލަ: މިހާތަނަށް އެއްވެސް މީހަކު ހައްޔަރެއް ނުކުރޭ: ޕޮލިސް
މިމަހުގެ ދެވަނަ ދުވަހު ވެސް ޕެޕަރސްޕްރޭ ޖެހުމަށްފަހު މިލިއަނެއްހާ ރުފިޔާ ފޭރިގަނެފައިވޭ
ފުލުހުން މަގު ބަންދުކޮށްފައި: ފައިސާތަކެއް ފޭރިގެން މައްސަލަ ދަނީ ބަލަމުން
ހަތަރު މީހުންގެ ގުރޫޕަކުން މީހެއްގެ ގަޔަށް ޕެޕާ ސްޕްރޭ ޖެހުމަށް ފަހު، އޭނާގެ އަތުން މިލިއަނެއްހާ ރުފިޔާ ފޭރުނު މައްސަލާގައި މިހާތަނަށް އެއްވެސް މީހަކު ހައްޔަރު ކޮށްފައި ނުވާ ކަމަށް ފުލުހުން ބުނެފި އެވެ.
ފުލުހުންގެ މީޑިއާ އޮފިޝަލް ހޮނިހިރު ދުވަހު ރާއްޖެއެމްވީއަށް ވިދާޅުވީ މިދިޔަ ބުދަ ދުވަހު މަގުމަތިން މީހަކަށް ހަމަލާދީ އެއް މިލިއަން ރުފިޔާ ފޭރުނު މައްސަލާގައި މިހާތަނަށް އެއްވެސް މީހަކު ހައްޔަރުކޮށްފައި ނުވާކަމަށާއި ނަމަވެސް އެމައްސަލައިގެ ތަހުގީގު ކުރިއަށްދާ ކަމަށެވެ.
މައުލޫމާތު ލިބިފައިވާ ގޮތުގައި މިކަން ހިނގީ ފަރީދީ މަގުގައި ހުންނަ ނޮވެލްޓީ ބުކްޝޮޕް ކުރިމަތީގައި އޮންނަ މާފަންނު ބެންތެޔޮ ގޯޅިން އޯކިޑް މަގަށް ނުކުންނަނިކޮށް ބުދަ ދުވަހު ހެނދުނު 7:30 ހާއިރު ދެ މީހަކު ސައިކަލްގައި ކުރިމައްޗަށް އަރައި ފައިސާތަކުގައި ހިފި ތަނުން އެހެން ދެ މީހަކު ގޮސް އޭގެ ތެރެއިން އެކަކު މޫނަށް ޕެޕާ ސްޕެރޭ ޖަހައިގެން ކަމަށެވެ.
ފައިސާތަކުގެ ވެރިފަރާތުން ބައެއް މީޑިޔާތަކަށް ބުނެފައިވާ ގޮތުގައި އެއީ ބަޔަކު ވަރަށް ބޮޑަށް ޕްލޭން ކޮށްގެން ކުރިކަމެއް ކަމަށާއި ފޭރިގެން ފައިސާތަކުގެ އަދަދު މިލިއަނަކަށް އަރާނެ ކަމަށެވެ.
އޭނާ ބުނެފައިވާ ގޮތުގައި އެފައިސާއަކީ އޭނާ ޗާންދަނީމަގުގައި ހިންގާ ވެސްޓަން ޔުނިއަންގެ ގޮތްޕެއްގެ ފައިސާއެވެ. އެ ތަން ކޮންމެ ދުވަހަކު މެންދުރު ފަހު ބަންދު ކުރުމުން އެ މަސައްކަތް ކުރަނީ ގޭގައި ކަމަށާއި އެއީ އަންގާރަ ދުވަހުގެރޭ ލިބުނު ފައިސާ ކަމަށް އޭނާ ބުންޏެވެ. އޭގެ ތެރޭގައި ޑޮލަރާއި ސިންގަޕޫރު ޑޮލަރާއި ދިވެހި ފައިސާ ވެސް ހުންނާނެ ކަމަށް އޭނާ ބުންޏެވެ.
ޕެޕަރ ސްޕްރޭ ޖަހައިގެން ބުދަ ދުވަހު ފައިސާތަކެއް ފޭރިގެންފައިވާއިރު މަޝްހޫރު ވިޔަފާރިވެރިޔާ އަބްދުﷲ ޖަލީލް (ކޭން ސޭޓު) ގެ މޫނަށް ވެސް ޕެޕާ ސްޕްރޭ ޖަހައި މި މަހުގެ 2 ވަނަ ދުވަހުގެ ރޭ ގިނަ އަދަދެއްގެ ފައިސާ ވަނީ ފޭރިގެންފައެވެ. އޭނާގެ އަތުން ގާތްގަނޑަކަށް ނުވަ ލައްކަ އާއި 1.1 މިލިއަން ރުފިޔާއާ ދެމެދުގެ އަދަދެއްގެ ފައިސާ ވަނީ ފޭރިގެންފައެވެ. މިމައްސަލާގައި ވެސް މިހާތަނަށް މީހަކު ހައްޔަރުކުރިކަން އެނގިފައެއް ނުވެއެވެ.
