ދުވަހަކުވެސް އަބީޝެކްގެ ފޯނެއް ސިއްރުން ނުބަލަން: އައިޝްވަރިޔާ
އެދެމީހުންގެ ކައިވެންޏަށް މިހާރު ވަނީ 11 އަހަރު ވެފައި
އައިޝްވަރިޔާ ރާއި
ބޮލީވުޑްގެ ތަރިންގެ ތެރެއިން އަބީޝެކް ބައްޗަން އާއި އައިޝްވަރިޔާ ރާއި އަކީ އެންމެ ރީތި އަދި އެންމެ "ކަޕުލް"އެއްގެ ގޮތުގައި ގިނަ ބަޔަކު ބުނަމުންދާ ދެ ފަންނާނުންނެވެ.
އެގާރަ އަހަރުވީ އެދެމީހުންގެ ގުޅުމަށް ވަނީ އަންހެން ކުއްޖަކު ލިބިފައެވެ.
އައިޝްވަރިޔާއާއި ދާދިފަހުން ކޮށްފައިވާ އިންޓަވިއުއެއް މިހާރު ސޯޝަލް މީޑިއާގައި ވަނީ ދައުރުވެފައެވެ. އޭގައި އައިޝްވަރިޔާ ކައިރިން އަހަނީ އޭނާގެ ފިރިމީހާ އަބީޝެކްގެ ފޯނު ސިއްރުން ބަލާ ހަދާތޯއެވެ. އައިޝްވަރިޔާ ބުނީ ދުވަހަކު ވެސް ނުބަލާކަމަށެވެ.
އިންޑިއާގެ ނޫހެއް ކަމަށްވާ ޕިންކްވިލާއިން ރިޕޯޓް ކޮށްފައިވާގޮތުގައި އައިޝްވަރިޔާ އަކީ ވަރަށް ރަނގަޅު އަތްބެއް ކަމަށާއި ރީތި ކަމަކީ ރަނގަޅުވުން ކަމަށް މީގެ ކުރިން އަބީޝެކް ބުނެފައިވާ ކަމަށެވެ. އައިޝްވަރިޔާ މަންމައަކަށްވުމުން އޭނާގެ ކެރިއާއަށް ވުރެ މުހިއްމު ކަމެއް ދެނީ ދަރިފުޅު އާރަދްޔާއަށް ކަމަށެވެ. އަދި އާރަދްޔާ ލިބި އައިޝްވަރިޔާ ފަލަވުމުން މީޑިއާތަކުގައި ތަފާތު އެކި ގޮތްގޮތަށް ވާހަކަ ދެއްކި ކަމަށާއި އެކަމާ އޭނާ ހިތްހަމަ ނުޖެހުނު ކަމަށް ވަނީ ބުނެފައެވެ.
"އައިޝްވަރިޔާ މަންމައަކަށްވުމުން އެކި ގޮތްގޮތަށް އެކި ވާހަކަ ދެއްކި. އެކަމާ އަހަރެން ހުރީ ވަރަށް ހިތްހަމަ ނުޖެހިފައި. އެކަމާ އޭނަ ވެސް ހުރީ ހިތްހަމަ ނުޖެހިފައި. އެކަމަކު އެއްވެސް އެއްޗެކޭ ނުބުނޭ." އަބީޝެކް ބުންޏެވެ.
އައިޝްވަރިޔާ ދެން އެންމެ އަވަހަށް ފެނިގެންދާނީ އަންނަ ޖުލައި މަހުގެ 13 ވަނަ ދުވަހު ރިލީޒް ކުރާ ފަންނޭ ޚާންއިންނެވެ. އަނިލް ކަޕޫރާއި ރާޖްކުމާރު ރާއީ މި ފިލްމުގައި އައިޝްވަރިޔާ ފެނިގެންދާނީ ޑަބަލް ރޯލުންނެވެ.
ފަންނޭ ޚާންގެ ޑައިރެކްޓަރަކީ އޯމްޕަރަކާޝް މެހެރާއެވެ. ފިލްމަށް ކޮސްޓިއުމް ޑިޒައިން ކުރަނީ މަނީޝް މަލޯތުރާއެވެ. ފަންނޭ ޚާން އަކީ މިއުޒިކަލް ކޮމެޑީ ފިލްމެކެވެ.
