އަބީޝެކްގެ ފޭވަރިޓް ރޮމެންޓިކް ފިލްމަކަށް އައިޝްވަރްޔާ އާއި ސަލްމާންގެ ފިލްމު

އައިޝްވަރިޔާ ރާއި އާއި އަބިޝެކް ބަޗަން އަކީ ބޮލީވުޑް ކަޕުލްސްގެ ތެރެއިން ރޮމޭންޓިކް އެއް ކަޕުލް ގެ ގޮތުގައި ފާހަގަ ކުރެވިފައިވާ ދެމަފިރިންނެވެ.

މި ދެމަފިރިން އެކުގައި އެކިއެކި ހަރަކާތް ތަކުގައި އެކަކު އަނެކަކަށް އެހީތެރިވާ މަންޒަރު ފެނިގެންދެއެވެ.

ޕާޓީތަކާއި ކުޅިވަރު ހަރަކާތްތަކުގައި ވެސް މި ދެތަރިން ފެނިގެން ދަނީ އެކުގައެވެ.

ފިލްމް ކްރިޓިކްސް ރަޖީވް މަސަންދު އަދި އަނޫޕާމާ ޗޯޕްރާގެ ޝޯގައި ދާދިފަހުން އަބީޝެކް ގިނަ ވާހަކަތަކެއް ހިއްސާ ކޮށްފައިވެއެވެ.

މި ޝޯގައި އޭނާގެ ފޭވަރިޓް ރޮމޭންޓިކް ފިލްމަކީ ކޮބައިތޯ ކުރި ސުވާލަށް ޖަވާބު ދެމުން އަބީޝެކް ބުނެފައި ވަނީ އޭނާ ބުނެފައިވަނީ "ހަމް ދިލްދެ ޗުކެ ސަނަމް" ކަމަށެވެ.

އަދި އެއީ އައިޝްވަރިޔާގެ ފިލްމް ތަކުގެ ތެރެއިން އޭނާގެ ފޭވަރިޓް ފިލްމް ކަމަށް ވެސް އަބީޝެކް ވަނީ ބުނެފައެވެ.

1999 ވަނަ އަހަރު ރިލީޒް ކުރި މި ފިލްމަކީ ސަންޖޭ ލީލާ ބަންސާލީ ޑައިރެކްޓް ކޮށްފައިވާ ފިލްމެކެވެ.

މި ފިލްމްގައި ބަތަލުންގެ ބައި ކުޅެފައިވަނީ ސަލްމާން ޚާން އާއި އަޖޭ ދޭވްގަން އެވެ.

ޚަބަރުތައް ބުނާ ގޮތުން މި ފިލްމުގެ ޝޫޓިންތައް ކުރިއަށް ދިޔައިރު ސަލްމާން ޚާން އާއި އައިޝްވަރިޔާ އާއި ދެމެދު ވަނީ ލޯބީގެ ގުޅުމެއް އުފެދިފައެވެ.

އައިޝްވަރިޔާ އެންމެ ފަހުން ފެނިގެން ގޮސްފައިވަނީ މިއަހަރު ރިލީޒް ކުރި ފިލްމް "ފަންނޭ ޚާން" އިންނެވެ.

ދެ އަހަރުގެ މެދުކެނޑުމަކަށް ފަހު އަބީޝެކް އެންމެ ފަހުން ފެނިގެން ގޮސްފައިވަނީ "މަންމްރުޒިޔާން" އިންނެވެ.

މި ދެތަރިން ކައިވެނި ކޮށްފައިވަނީ މީގެ އެގާރަ އަހަރު ކުރިން 2007 ވަނަ އަހަރު އެޕްރީލް މަހުގަ އެވެ. އަދި މި ދެތަރިންނަށް ވަނީ 6 އަހަރުގެ އަންހެން ދަރިފުޅަކު ލިބިފައެވެ.

މި ދެމީހުންގެ ދަރިފުޅު އާރަދްޔާ ވެފައިވަނީ އުފަންވީ ދުވަހުން ފެށިގެން ވެސް ޕަޕަރާޒީންގެ ވޭފަރިޓް ކިޑަށެވެ.

މި ތުއްތު ކުއްޖާ އޭނާގެ މަންމަ އާއި އެކު އިންޓަނޭޝަނަލް އިވެންޓްތަކުންނާއި ފެޝަން ޝޯތަކުން އަދި ޕާޓީ ތަކުން ފެނިގެން ދެއެވެ.