އަނެއްކާ ވެސް ދީޕިކާ އާއި ރަންވީރު އެކީގައި ފިލްމަކުން
15 އެޕްރީލު 2018 | އާދީއްތަ 11:40މި ދެތަރިން އެންމެ ފަހުން ފެނިގެންގޮސްފައިވަނީ ވެސް ފިލްމު ޕަދްމާވަތުން
ރަންވީރު އަދި ދީޕިކާ
ދީޕިކާ ޕަދުކޯންއާއި އޭނާގެ ލޯބިވެރިޔާ ރަންވީރު ސިންގް އެކީގައި ފެނިގެންގޮސްފައިވާ ފިލްމުތަކަކީ ކާމިޔާބު ފިލްމުތަކެވެ.
އެދެމީހުން ފެނިގެން ގޮސްފައިވާ ފިލްމުތަކުގެ ތެރެއިން އެންމެ ފަހުން ނިކުތް ޕަދްމަވަތީއަށް ވަނީ ބޮޑު ތަރުހީބެއް ލިބިފައެވެ. އެދެމީހުން އެކީގައި ސްކްރީނުގައި އެފިލްމުން ފެނިގެން ގޮސްފައެއް ނުވެއެވެ. ޕަދްމާވަތުގައި ރަންވީރާއި ދީޕިކާ ފެނިގެން ގޮސްފައިވަނީ ވަކިވަކިން އެކި ސީންތަކުންނެވެ.
އެހެން ނަމަވެސް ރަންވީރާއި ދީޕިކާ ފެނިގެން ގޮސްފައިވާ ސަންޖޭ ލީލާ ބަންސާލީގެ ރާމް-ލީލާ (2013) އަދި ބަޖިރާއޯ މަސްތާނީ (2015) ވެފައިވަނީ ދެމީހުންގެ ކެމިސްޓްރީ ހިއްސާކުރެވުނު ދެ ފިލްމަށެވެ.
ފިލްމު ޕަދްމާވަތަށް ފަހު އެދެމީހުން އެކީގައި ފިލްމަކުން އަނެއްކާ ވެސް ފެނިގެންދާނެ ކަމަށް ވާހަކަތައް ދެކެވެން ފަށައިފިއެވެ. ޚަބަރުތައް ބުނާގޮތުގައި ރަންވީރާއި ދީޕިކާ މިހާރު އެފިލްމުގައި އެކްޓު ކުރުމަށް މިހާރު ސޮއި ވެސް ކޮށްފިއެވެ. އެ ފިލްމަކީ ޔަޝްރާޖް ފިލްމްސްއިން އުފައްދާ ލޯބީގެ ފިލްމެއް ކަމަށާއި މި ފިލްމު ޑައިރެކްޓް ކުރާނީ މަނީޝް ޝަރްމާކަމަށް ވެސް ވަނީ ރިޕޯޓް ކޮށްފައެވެ. އަދި މި ފިލްމުގެ ޝޫޓިން އަންނަ އަހަރުގެ ކުރީކޮޅު ފަށާނެކަމަށް ވެސް ވަނީ ރިޕޯޓް ކޮށްފައެވެ.
މި ދެތަރިން އެންމެ ފަހުން ފެނިގެންގޮސްފައިވަނީ ވެސް ފިލްމު ޕަދްމާވަތުއިންނެވެ.
