ޔޫއޭފާ ޗެމްޕިއަންސް ލީގުގެ ސެމީ ފައިނަލަށް މެންޗެސްޓާ ސިޓީ ދަތުރުކުރުމަށްޓަކައި، އަންގާރަ ދުވަހުގެ ރޭ ކުޅޭ ކުއާޓާ ފައިނަލުގެ ދެ ވަނަ ލެގުގައި ފުރިހަމަ ކުޅުމެއް ދައްކަންޖެހޭ ކަމަށް ސިޓީގެ ކޯޗް ޕެޕް ގާޑިއޯލާ ބުނެފިއެވެ.

 މިދިޔަ ބުދަ ދުވަހު ލިވަޕޫލުގެ ދަނޑުގައި ކުޅުނު ޗެމްޕިއަންސް ލީގުގެ ފުރަތަމަ ލެގުގައި ލިވަޕޫލުން ވަނީ ސިޓީ ތިނެއް ސުމަކުން ބަލިކޮށްފައެވެ. ދެވަނަ ލެގު އަމިއްލަ ދަނޑުގައި ސިޓީ ކުޅޭއިރު ލިވަޕޫލު އޮތީ ތިން ލަނޑުގެ ލީޑަކާ އެކުގައެވެ.

ޗެމްޕިއަންސް ލީގުގެ ދެވަނަ ލެގަށް ޙާއްސަކޮށްގެން ހޯމަ ދުވަހު ބޭއްވި ޕްރެންސް ކޮންފަރެންސްގައި ގާޑިއޯލާ ބުނީ ސީޓީއިން މެޗުގައި އެންމެ ފުރިހަމައަށް ކުޅެންޖެހޭކަމަށާއި، ސިޓީގެ އާދަޔާ ޙިލާފު ކުޅުމާއި މެދު ޝައްކު ނުކުރާ ކަމަށެވެ. މެޗުގެ 90 މިނެޓު ތެރޭ ގިނަ ފުރުސަތު އުފައްދާ ފުރުސަތުގެ ބޭނުން ހިފަންޖެހޭ ކަމަށާއި، ޑިފެންސަށް ވަރަށްބޮޑު ސަމާލުކަމެއް ދޭންޖެހޭކަމަށްވެސް ގާޑިއޯލާ ބުންޏެވެ. އަދި އެންމެ ފަހުން މެޗުގައިވެސް ފުރުސަތުތައްް ހޯދީ މެޗުގެ ފަހު ކޮޅުގައި ކަމަށްވެސް ގާޑިއޯލާ ބުންޏެވެ. ފުރަތަމަ ލެގުން ބަލިވުން އެއީ މައްސަލައެއް ނޫން ކަމަށާއި، ދިރިއުޅުމަކީ ގޮންޖެހުންތަކަށްވާ ބީދައިން ފުޓުބޯޅަޔަކީ އިމްތިހާނެއް ކަމަށްވެސް އޭނާ ބުންޏެވެ.

ޗެމްޕިއަންސް ލީގުގެ  ދެވަނަ ލެގުގެ މެޗުތަށް  އަންގާރަ ދުވަހުގެ ރޭ ކުޅޭއިރު، ލިވާޕޫލްއާއި މެންޗެސްޓާ ސިޓީ ކުޅޭ މެޗު ފަށާނީ ރާއްޖޭ ގަޑިން 11:45 ފަށާނެ އެވެ.Close