ޓްރޫތު އޯރ ޑެއާ އަންނަ ހުކުރު ދުވަހު

އެމެރިކާގެ ނުޕަނެޗުރަލް ބިރުވެރި ފިލްމު ކަމަށްވާ ޓްރޫތު އޯރ ޑެއާ އަންނަ ހުކުރު ދުވަހުގައި ރިލީޒް ކުރާނެއެވެ.

ރާއްޖޭގެ ޝްވެކް ސިނަމާގައިވެސް ޓްރޫތު އޯރ ޑެއާ ހުކުރު ދުވަހު ދެއްކުމަށް ވަނީ ހަމަޖެހިފައެވެ.

ޓްރޫތު އޯރ ޑެއާ ޑައިރެކްޓް ކޮށްފައިވަނީ ޖެފް ވެޑްލޯއެވެ. މި ފިލްމުން ފެނިގެންދާ ތަރިންގެ ތެރޭގައި ލޫސީ ހާލޭ، ޓައިލާ ޖެކޮބްސް، ވަޔަލޮޓް ބީނޭ، ހައިޑެން ޒެޓޯމ ލަންޑަން ލިބޮއިރަން ހިމެނެއެވެ.

ކުދިންތަކެއްގެ ތެރޭގައި ކުޅޭ ގޭމެއްގެ ތެރެއިން ހިނގާ ބިރުވެރި ކަންތައްތައް ދައްކުވައިދޭ މި ފިލްމު ޕްރޮޑިއުސް ކޮށްފައިވަނީ ބްލަމްހައުސް ޕްރޮޑަކްޝަނުންނެވެ. މި ފިލްމުގެ ނަން ދީފައިވަނީ އެ ގޭމުގެ ނަމުންނެވެ.

ފުރަތަމަ މި ފިލްމު ރިލީޒްކުރަން އޮތީ މިމަހުގެ 27 ގައެވެ. އެހެން ނަމަވެސް މި ފިލްމުގެ ޓްރެއިލާ ޖެނުއަރީ މަހުގެ 3 ވަނަ ދުވަހު އާންމު ކުރުމަށްފަހު ފިލްމު އެޅުވުން ވަނީ މިމަހުގެ 13 ވަނަ ދުވަހަށް ފަސްކޮށްފައެވެ.