ގއ. މާމެންދޫ ފަޅު ތެރޭގައި ފިރިހެނަކު މަރުވެފައި އޮއްވާ ފެނިއްޖެއެވެ.
މިކަމާ ގުޅޭ ގޮތުން މާމެންދޫ ކައުންސިލްގެ ރައީސް މުހައްމަދު ޒައީމް ވިދާޅުވީ، އެރަށު މޫންލައިޓްވިލާ، މުހައްމަދު ނާޝިދު މަރުވެފައި އޮއްވާ ފެނިފައިވަނީ ހޮނިހިރު ދުވަހު ހެނދުނު 09:25 ހާއިރު ކަމަށެވެ. އޭނާ ފެނިފައިވަނީ އެރަށު ނެރާ ދިމާލުން ކަމަށާއި އޭނާގެ ހަށިގަނޑުގައި އެއްވެސް އަނިޔާއެއް ނުވަތަ ޒަހަމެއް ވެފައި ނެތް ކަމަށް ޒައީމް ވިދާޅުވިއެވެ.
ނާޝިދަކީ ގާތްގަނޑަކަށް އުމުރުން 30 އަހަރުގެ މީހެއް ކަމަށް ކައުންސިލުން ބުނެ އެވެ. އޭނާގެ ހަށިގަނޑުވަނީ ފުލުހުންގެ ބެލުމުގެ ދަށުގައެވެ.
ނާޝިދަކީ މަސްވެރިކަން ކުރާ މީހެކެވެ.