ހދ. އަތޮޅުގެ ފުރަތަމަ ރިސޯޓު ހުޅުވައިފި

ހދ. އަތޮޅުގައި ހުޅުވި ފުރަތަމަ ރިސޯޓު އެ ރަށު ހޮނޑާފުށީގައި އާދިއްތަ ދުވަހު ހުޅުވައިފިއެވެ.

ހޮނޑާފުށި ހުޅުވާފައިވަނީ ދެ ކެޓަގަރީއެއްގެ 80 ކޮޓަރިއާ އެކުގައެވެ. އެއީ 75 އަކަ މީޓަރުގެ ސުޕީރިއާ ބީޗު ބަންގްލޯ އާއި 89 އަކަ މީޓަރުގެ ޑިލަކްސް ބީޗު ބަންގްލޯއާއެކުގައެވެ.

އެ ރިސޯޓުން ނިންމާފައި ވަނީ އަހަރަކު 100 ކޮޓަރި އިތުރުކުރަމަށާއި ފަސް އަހަރު ތެރޭގައި އެ ރިސޯޓުގައި 400 ވިލާ ގާއިމުކުރުމަށެވެ.

ހޮނޑާފުށި ރިސޯޓުގައި ސްޕާ އެންޑް ވެލްނެސް ސެންޓަރެއް ހުންނަ އިރު، އެކި ވައްތަރުގެ މޫދު ކުޅިވަރު ވެސް ކުޅެވޭނެ އިންތިޒާމު ހަމަޖެހިފައިވެއެވެ. މީގެ އިތުރުން ބީޗު ވޮލީ އާއި ފިޓްނަސް ސެންޓަރެއްވެސް އެ ރިސޯޓުގައި ހުރެއެވެ.

މި ރިސޯޓް ތަރައްގީކޮށްފައިވަނީ ތްރީއޭ ކުންފުނިންނެވެ.