ރ. އަތޮޅަށް ދަތުރުކުރަމުން ދިޔަ ދޯންޏަކަށް އެމްއެންޑީއެފުން އެހީތެރިކަން ފޯރުކޮށްދީފި
10 މާރިޗު 2018 | ހޮނިހިރު 10:27އެ ދޯނީގައި ހަ ދިވެހިންނާއި ބިދޭސީއަކު ތިބި
އެމްއެންޑީއެފް ކޯސްޓްގާޑްގެ އުޅަނދެއް
މާލެ އިން ފުރައިގެން ރ. އިންނަމާދޫއަށް ދަތުރު ކުރަމުންދިޔަ ދޯންޏެއް ދިޔަވަމުން ދާތީ އެމްއެންޑީއެފްގެ ކޯސްޓްގާޑުން އެ ދޯންޏަށް އެހީތެރިކަން ފޯރުކޮށްދީފިއެވެ.
އެމްއެންޑީއެފުން ބުނީ އިންނަމާދޫއަށް ދަތުރު ކުރަމުންދިޔަ "ސިގްނަލް" ނަމަކަށް ކިޔާ ދޯނި ދިޔަވަމުންދާކަން އެމްއެންޑީއެފްއަށް ރިޕޯޓް ކޮށްފައި ވަނީ ހޮނިހިރު ދުވަހުގެ 12:23 ގައި ކަމަށެވެ. އެއީ 55 ފޫޓްގެ ދޯންޏެއް ކަމަށާއި އެ ދޯނި ދިޔަވަމުންދާކަން އެމްއެންޑީއެފް ކޯސްޓްގާޑަށް ރިޕޯޓް ކޮށްފައިވަނީ ކ. ގާފަރު ސަރަހައްދުން ކަމަށެވެ.
އެ ދޯންޏަށް ދިޔަވީ ކޮން ސަބަބަކާ ހުރެ ކަމެއް މިހާތަނަށް ދާފެއް ނުވެއެވެ.
އެމްއެންޑީއެފުން ބުނީ އެ ދޯނީގައި އެވަގުތު ހަ ދިވެހިންނާއި ބިދޭސީއަކު ހުރި ކަމަށެވެ. އެއްވެސް މީހަކަށް ގެއްލުމެއް ލިބިފައި ނުވާ ކަމަށް އެމްއެންޑީއެފުން ބުނެއެވެ.
