ސުއިދާގާގެ ޝޫޓިންގައި ވަރުން އަށް އަނިޔާވެއްޖެ
މިފިލްމުގެ ލީޑު ރޯލުން ފެނިގެންދަނީ ވަރުން އާއި އަނުޝްކާ
ވަރުން ދަވަން
"ސުއިދާގާ މޭޑް އިން އިންޑިއާ" ގެ ޝޫޓިންގައި ހުއްޓައި ވަރުން ދަވަން އަށް އަނިޔާވެއްޖެއެވެ.
ރިޕޯޓްތައް ބުނާ ގޮތުގައި ވަރުންއަށް އަނިޔާވީ އެފިލްމުގައި ތަޅާ މަންޒަރެއް ޝޫޓްކުރުމަށް ތައްޔާރު ވުމަށްދަނިކޮށް އޭނާ ވެއްޓިގެން ކަމަށެވެ. ރިޕޯޓްތައް ބުނާ ގޮތުގައިއަނިޔާވީ އޭނާގެ ބޮލަށެވެ. ބޯ ފަޅައިގެން ގޮސްފައިވާ ކަމަށާއި އަނިޔާ ވުމާ އެކު ޝޫޓިން ހުއްޓުމަކަށް އައި ކަމަށް މައުލޫމާތު ލިބެއެވެ. އޭނާއަށް ފަރުވާ ދީފައިވާކަމަށް ޚަބަރުތައް ބުނާއިރު އޭނާގެ ހާލު މިހާރު ރަނގަޅު ކަމަށް ރިޕޯޓްތައް ބުނެއެވެ. ވަރުން ވެސް ވަނީ އޭނާ މިހާރު ރަނގަޅު ކަމަށް ބުނެފައެވެ.
"ސުއި ދާގާ' އަކީ ވަރުން އާއި އަނުޝްކާ އެކުގައި ކުޅޭ ފުރަތަމަ ފިލްމެވެ. މި ފިލްމަކީ އިންޑިއާގެ ކޮޓެޖް އިންޑަސްޓްރީގެ މައްޗަށް ބިނާކޮށް ހަދާ ފިލްމެކެވެ. މި ފިލްމަކީ އިންޑިއާގެ ބައްޕަ ކަމަށް ބުނާ މަހާތުމާ ގާންދީއަށް ހާއްސަކޮށްގެން އުފައްދާ ފިލްމެކެވެ. މިފިލްމުގައި ވަރުން ވެސް އަދި އަނުޝްކާ ވެސް ފެންނާނީ ހެދުން ފަހާ މީހެއްގެ ގޮތުގައެވެ. ފިލްމުގެ ޝޫޓިން ފެށުމުގެ ކުރިން އެ ދެ ތަރިން ވެސް ވަނީ ފަހަން ދަސްކޮށްފައެވެ.
