މޯލްޑިވްސް ޝޯކޭސް ސްޕޮންސަރކުރުމުގެ ފުރުސަތު ހުޅުވާލައިފި

ހައިރައިޒް ކުންފުންޏާއި މަޓާޓޯ ގުޅިގެން ދިވެހިރާއްޖޭގެ އިގްތިސާދީ އެކި ދާއިރާތައް އިސްތިހާރުކުރުމަށް އިއުލާނުކޮށްފައިވާ ބައިނަލްއަގުވާމީ އިވެންޓް "މޯލްޑިވްސް ޝޯކޭސް" ސްޕޮންސަރ ކުރުމުގެ ފުރުސަތު ހުޅުވާލައިފިއެވެ.

މި އިވެންޓް ސްޕޮންސަރ ކުރުމުގެ ފުރުސަތު ހުޅުވާލާފައި މެއިން ސްޕޮންސަރާއި ދެ ކޯ ސްޕޮންސަރުންގެ ފުރުސަތު ކަމަށް، އެ ފެއަރ އިންތިޒާމުކުރާ ހައިރައިޒުން ބުންޏެވެ.

މި ފެއަރ ބޭއްވުމަށް ހަމަޖެހިފައިވަނީ ޖުލައި 26 އާއި 27 ވަނަ ދުވަހު، ސްރީ ލަންކާގެ ކޮލޮމްބޯގައި ހުންނަ ތާޖު ސަމުދްރާ ހޮޓެލްގައެވެ.

މޯލްޑިވްސް ޝޯކޭސް މެދުވެރިކޮށް އިސްތިހާރު ކުރުމަށް ހަމަޖެހިފައިވަނީ ރާއްޖޭގެ ފަތުރުވެރިކަމާއި، ވިޔަފާރިއާއި، ހުނަރުތަކެވެ.

މި ޝޯކޭސްގައި ބައިވެރިވާން އެދޭ ފަރާތްތަކަށް އެފުރުސަތު ވަނީ ހުޅުވާލައިފައެވެ. ޝައުގުވެރިވާ ވިޔަފާރިތަކާއި ފަރާތްތަކުން 7980088 ނަމްބަރަށް ގުޅައި، ނުވަތަ manager@highriseint.com އަށް އީމެއިލް ކޮށްގެން މައުލޫމާތު ސާފުކުރުމަށް ހައިރައިޒުން ވަނީ އެދިފައެވެ.